Երևանից Արցախի և ՀՀ-ի սահմանամերձ բնակավայրերի համար «անձնազոհ» պայքարող օնլայն «ֆիդայիններին» պետք է մեկ բան հորդորեմ․ Սամվել Հակոբյան          Մենք արեցինք այն, ինչ կարողացանք, իսկ ով մեզ մեղադրում է՝ հրապարակն էլ է ազատ, կառավարության դիմացն էլ, գնացեք և իշխանափոխություն արեք, եթե կարող եք       Եվրոպայի գազային երազանքները կարող են փլուզվել Լեռնային Ղարաբաղի հետ Ադրբեջանի հակամարտությամբ. Foreign Policy    

11 ապր 2022 15:33

Կիևի վրա հարձակման պլանների վերաբերյալ Կադիրովի հայտարարությունը Պեսկովը հրաժարվել է մեկնաբանել

Ռուսաստանի Դաշնության նախագահի մամուլի քարտուղար Դմիտրի Պեսկովը խորհուրդ է տվել կապ հաստատել պաշտպանության նախարարության հետ՝ մեկնաբանելու Չեչնիայի ղեկավար Ռամզան Կադիրովի հայտարարությունը՝ Կիևի վրա ռուսական զորքերի հարձակման պլանների վերաբերյալ, հայտնում է interfax.ru-ն:


«Ավանդաբար մենք ձեզ հետ չենք խոսում հատուկ ռազմական գործողության ընթացքի մասին: Այս իրավասությունը թողնում ենք ՊՆ-ին: Այնտեղ օրը երկու անգամ ճեպազրույցներ են անցկացվում: Ես առաջարկում եմ, որ դուք տեղեկություն ստանաք այնտեղից»,- լրագրողներին ասել է Պեսկովը:


Ավելի վաղ Կադիրովը թելեգրամյան տեսաուղերձում հայտնել էր, որ ռուսական զինված ուժերը ծրագրում են հարձակում սկսել Ուկրաինայի քաղաքների, գյուղերի և այլ բնակավայրերի, այդ թվում՝ Կիևի դեմ։ Մարտի վերջին հայտնի է դարձել, որ Չեչնիայի ղեկավարը ժամանել է Մարիուպոլ և անձամբ է ղեկավարում քաղաքի ազատագրման հատուկ օպերացիան:


Կադիրովը հայտարարել էր, որ Ռուսաստանի զինված ուժերը հարձակում են նախապատրաստելու Ուկրաինայի բոլոր քաղաքների վրա։ 


«Առաջադրանքները պարզ են, և մենք արդեն սկսում ենք աշխատել կոնկրետ, կետային, և հարձակողական ալիք կլինի... ոչ միայն Մարիուպոլում, այլև մնացած բոլոր բնակավայրերում, քաղաքներում և գյուղերում։ Բայց մենք առաջին հերթին ամբողջությամբ կազատագրենք Լուգանսկը և Դոնեցկը, նման խնդիր դրել է գլխավոր հրամանատար, նախագահ Վլադիմիր Պուտինը»,- ասել է Կադիրովը։


Նա նաև պատասխանել է այն պնդումներին, թե «եթե ռուսական զորքերը հեռացան Կիևից, ապա Ռուսաստանը զիջում է Ուկրաինային»։


«Կարող եմ ձեզ վստահեցնել, որ եթե Կիևը չկատարի այն բոլոր պարտավորությունները, որ մեր գերագույն հրամանատարն է ներկայացնում նրանց, պատերազմը չի դադարի»,- վստահեցրել է հանրապետության ղեկավարը։


Մեկնաբանություններ


Համընկնող լուրեր