Միշտ համարել եմ ու հիմա էլ համարում եմ, որ Ղուբաթլին ուրիշի տարածք է․ «Անտարես»-ի տնօրեն
«Տեսա, որ ցույց է, ուրախացա, որ ինչ լավ է, որ մեր երկրում կարելի է նման ազատ կերպով ցույց անել։ Մոտեցա, սկսեցին գոռալ թուրք, շշեր նետել։ Ինչ որ մարդիկ ինչով որ հասցրել խփել են, ծեծ չէի անվանի, չգիտեմ, եթե իրավաբանական առումով ինչ որ տերմին կա։ Կանվանեմ հարձակում»։Հանրային հեռուստաընկերության՝ Պետրոս Ղազարյանի հետ հարցազրույցի ժամանակ ասել է «Անտարես մեդիա հոլդինգ»-ի տնօրեն Արմեն Մարտիրոսյանը՝ անդրադառնալով երեկ Լեո-Պարոնյան փողոցում գրանցված միջադեպին։
Հարցին, թե ինչու են ձեզ ասում թուրք, Մարտիրոսյանը պատասխանել է․ «Ղարաբաղյան վերջին պատերազմից 20 օր անց մի գրառում էի արել, որ Ղուբաթլուում ինչ որ քաշքշուկ էր, որ չէին թողնում ադրբեջանցիները, որ մերոնք իրերը հանգիստ հավաքեն, գան։ Ֆեյսբուքյան վայնասուն էր, վրես ազդեց, գրեցի որ ուրիշի տարածքից պետքա օր առաջ դուրս գալ։ Միշտ համարել եմ ու հիմա էլ համարում եմ, որ Ղուբաթլին ուրիշի տարածք է։ Մեդիաները վերցրին, շեղեցին ու ասացին, որ ես ուզում եմ Արցախը ծախել, բայց ես Արցախի մասին որևէ խոսք չեմ ասել: Եթե Սևրի խնդիրը չբարձրացնեինք 2019-ին, գազաններին չէինք զայրացնի»։
***
Նոր մանրամասներ Արմեն Մարտիրոսյանի մասնակցությամբ միջադեպից
Միջադեպի ականատեսները NEWS.am-ի հետ զրույցում մանրամասներ են պատմել: Մասնավորապես, երբ ցուցարարները Լեո-Պարոնյան խաչմերուկին՝ հարգանքի տուրք մատուցելու վրաերթի ենթարկված կնոջ և իր չծնված երեխայի հիշատակին, տեղում է հայտնվել Արմեն Մարտիրոսյանը, ով ոչ թե պարզապես անցելիս է եղել այդ տարածքով, այլ եկել, կանգնել է հարակից մայթում:
Նա վիրավորական արտահայտություններ է թույլ տվել ցուցարարների հասցեին: Երբ ոստիկանները նկատել են, որ Մարտիրոսյանը սադրիչ վարքագիծ է ցուցաբերում, նրան խնդրել են հեռանալ: Մարտիրոսյանը չի ենթարկվել ոստիկաններին և շարունակել է վիրավորել ցուցարարներին:
Դրանից հետո ցուցարարները երկու դատարկ ջրի շիշ են շպրտել նրա ուղղությամբ, ինչին հաջորդել է ոստիկանների կողմից նրան տարածքից հեռացնելը: Ուշագրավ է, որ ականատեսների պնդմամբ՝ տարածքից հեռանալիս Մարտիրոսյանը ոտքով հրել է քաղաքացիների բերած խաղալիքները:
Միջադեպի ականատեսները NEWS.am-ի հետ զրույցում մանրամասներ են պատմել: Մասնավորապես, երբ ցուցարարները Լեո-Պարոնյան խաչմերուկին՝ հարգանքի տուրք մատուցելու վրաերթի ենթարկված կնոջ և իր չծնված երեխայի հիշատակին, տեղում է հայտնվել Արմեն Մարտիրոսյանը, ով ոչ թե պարզապես անցելիս է եղել այդ տարածքով, այլ եկել, կանգնել է հարակից մայթում:
Նա վիրավորական արտահայտություններ է թույլ տվել ցուցարարների հասցեին: Երբ ոստիկանները նկատել են, որ Մարտիրոսյանը սադրիչ վարքագիծ է ցուցաբերում, նրան խնդրել են հեռանալ: Մարտիրոսյանը չի ենթարկվել ոստիկաններին և շարունակել է վիրավորել ցուցարարներին:
Դրանից հետո ցուցարարները երկու դատարկ ջրի շիշ են շպրտել նրա ուղղությամբ, ինչին հաջորդել է ոստիկանների կողմից նրան տարածքից հեռացնելը: Ուշագրավ է, որ ականատեսների պնդմամբ՝ տարածքից հեռանալիս Մարտիրոսյանը ոտքով հրել է քաղաքացիների բերած խաղալիքները:
