Փաշինյանն իր ուղերձից հանել է «ազատ և երջանիկ Արցախ» ձևակերպումը
Նիկոլ Փաշինյանը, այսպես կոչված, «քաղաքացու օրվա» կապակցությամբ իր ամենամյա ուղերձից հանել է Արցախի մասին ձևակերպումները։Արցախի 75 տոկոսի կորստի, բազմահազար զոհերի ու հաշմանդամների պատճառ դարձած Փաշինյանը, որի իշխանության ամեն մի օրը դամոկլյան սուր է Արցախի և Հայաստանի համար, փաստացի հաստատում է, որ իրենց իշխանության համար Արցախն այլևս գոյություն չունի։
2021 թ․ ուղերձում նշված էր․ «Կեցցե Ազատությունը, կեցցե Հայաստանի Հանրապետությունը, Կեցցե Արցախը։ Եվ կեցցենք մենք և մեր երեխաները, որ ապրելու ենք ազատ և երջանիկ Հայաստանում, ազատ ու երջանիկ Արցախում»։
Իսկ ահա 2022 թ․ ուղերձից հանվել է «ազատ և երջանիկ Արցախ» ձևակերպումը․ կարելի է ենթադրել, որ Փաշինյանը հասկացել է, որ իր կառավարման ժամանակ ու պատճառով Արցախը ո'չ ազատ է, ո'չ էլ երջանիկ, և, հետևաբար, փաշինյանական իշխանության ամեն մի օրը վտանգ է հայկական երկու պետականությունների ապագայի համար։
yerkir.am
