Ադրբեջանի պետական անվտանգության ծառայությունը Ռուսաստանին մեղադրել է Ադրբեջանի մասին կեղծիքներ տարածելու մեջ
Վերջերս Ռուսաստանը բազմիցս կարծիքներ է հայտնել, այդ թվում՝ միջազգային միջոցառումների շրջանակներում, Ադրբեջանում երրորդ երկրների ֆինանսական աջակցությամբ իբր կենսաբանական զենքի վերաբերյալ գիտական հետազոտություններ իրականացնող կենտրոնների գործունեության մասին։ Առանց որևէ փաստի առաջ քաշված այս հայտարարությունները որոշակի անհանգստություն են առաջացնում մեր հանրապետության հանրության շրջանում։ Այս մասին ասվում է Ադրբեջանի պետական անվտանգության ծառայության հասարակայնության հետ կապերի վարչության հաղորդագրության մեջ։«Այս կապակցությամբ մենք նշում ենք, որ Ադրբեջանում երբեք չեն գործել նման գիտական կենտրոններ, չեն իրականացվել հետազոտություններ, որոնք կարող են վնասել երկրի բնակչության կամ հարևան պետությունների քաղաքացիների առողջությանը։ Ցավալի է, որ ադրբեջանական կողմից չհաստատված նման տեղեկատվություն հնչում է միջազգային միջոցառումների ժամանակ, այդ թվում՝ այնպիսի հեղինակավոր կազմակերպությունում, ինչպիսին ՄԱԿ-ն է։
Նաև` գործընկերային հարաբերությունների հիման վրա մեր պատրաստակամությունն ենք հայտնում հետաքննել կոնկրետ փաստեր, եթե դրանք ներկայացվեն հակառակ կողմից»,- ասվում է հաղորդագրության մեջ։
