ՏԵՍԱՆՅՈՒԹ. Ադրբեջանը Դադիվանքում հայերի ներկայության հետ չի հաշտվում, անում է հնարավորը հայ հոգևորականներին դուրս հանելու համար
ArmLur.am-ն օրեր առաջ էր գրել, որ պաշտոնական Բաքուն անում է հնարավորը Դադիվանքից հայ հոգևորականներին դուրս հանելու համար: Մեր տեղեկություններով՝ Ադրբեջանն այս օրերին ռուսական կողմին հայ քահանաներին ռուս հոգևորականներով փոխարինելու լոբբինգ է անում:Ադրբեջանը հայ հոգևորակններին Դադիվանքից հանելու սցենարն էլ է մշակել՝ այն նետելով Ռուս ուղղափառ եկեղեցու դաշտ:
ArmLur.am-ի հետ զրույցում Հայ առաքելական եկեղեցու տեղեկատվական բաժնի տնօրեն տեր եսայի Քահանա Արթենյանն ասաց, որ այս մասով որևէ նոր ասելիք չունեն: «Այդ մասին Արցախի թեմի առաջնորդն է հարցազրույց տվել, դրանից ավելին ասելիք չունենք»,- նշեց տեր Եսային:
Իսկ Արցախի թեմի առաջնորդ տեր Վրթանես եպիսկոպոս Աբրահամյանն Aravot-ին փոխանցել էր, թե ոչ թե ռուս հոգևորականներով փոխարինելու, այլ պարզապես իրենց վերահսկողության տակ առնելու հարցն է առաջ տանում Ադրբեջանը:
Նման ձեռագրով Ադրբեջանը փորձում է Քարվաճառի շրջանում գտնվող Դադիվանքի տարածքից նաև ռուս խաղաղապհներին հանել, որովհետև եթե այտեղ հայ առաքելական եկեղեցու սպասավորներ չլինեն, հետևաբար նաև ռուս խաղաղապահների կարիքը չի լինի:
