Եվրոպայի գազային երազանքները կարող են փլուզվել Լեռնային Ղարաբաղի հետ Ադրբեջանի հակամարտությամբ. Foreign Policy          Մեծամորի ԱԷԿ-ը ճանաչվել է աշխարհի ամենավտանգավոր ատոմակայանը, մեծ սպառնալիք է ներկայացնում Թուրքիայի ու Ադրբեջանի, ապա նաև Ռուսաստանի համար. թուրք պաշտոնյա       Նոր տեղեկություններ՝ 19-ամյա զինվորի մահվան դեպքից    

17 հուն 2022 12:50

Փաշինյանի շնորհակալությունը ոստիկանությանը. ևս 2 միլիարդ՝ աշխատավարձերի ու հավելավճարների համար

Կառավարությունը ՀՀ ոստիկանության ծառայողների աշխատավարձերի և հավելավճարների համար նախատեսված գումարը հերթական անգամ ավելացրել է. այս անգամ ավելացումը կազմում է շուրջ 2 միլիարդ դրամ։

Ընդունված նախագծի համաձայն՝ առկա հատկացումները, պայմանավորված անձնակազմի ներկայիս փաստացի թվաքանակով, բավարար չեն 2019-2021 թթ․ ըստ առանձին պաշտոնների խմբերի տարեկան հաշվարկով ձևավորված անվանական աշխատավարձերի չափերի պահպանման համար, ուստի անհրաժեշտ է գումարն ավելացնել։

Կառավարությունը մեկ այլ որոշմամբ էլ ավելացրել է ոստիկանների սննդի համար նախատեսված գումարը։

Գումարն ավելացել է 215.1 մլն դրամով։

Ըստ ընդունված որոշման՝ լրացուցիչ անհրաժեշտ գումարը նախատեսվում է արտաքին ծառայությունում ընդգրկվող անձնակազմի ճաշարանային տարածքներից դուրս սննդի ապահովմանը (օրական 3 անգամ, 2970 դրամ մրցութային գնով)։

Դրանից բացի՝ Կառավարությունը հավելյալ 105 միլիոն դրամ էլ հատկացրել է ոստիկանությանը՝ ոստիկանության զորքերի տեխնիկական հագեցվածության բարելավման, ընթացիկ գործունեությանն անհրաժեշտ ապրանքների, նյութերի գծով առկա պահանջարկի ապահովման նպատակով։


Մեկնաբանություններ


Համընկնող լուրեր