Նոր որոշում. Ընտանիքում 3-րդ և ամեն հաջորդ երեխայի ծննդյան կապակցությամբ տրվող աջակցության գումարը չի կարող արգելադրվել
Կառավարությունն իր այսօրվա՝ հունիսի 17-ի նիստում փոփոխություն և լրացում է կատարել նախկինում ընդունած որոշումներից մեկում, որով հստակեցվում է, որ ընտանիքում 3-րդ և յուրաքանչյուր հաջորդ երեխայի ծննդյան կապակցությամբ տրվող դրամական աջակցության գումարը չի կարող արգելադրվել (դրվել արգելանքի տակ), բռնագանձվել կամ հաշվանցվել հաճախորդի պարտավորությունների դիմաց:Ընդ որում, առաջարկվում է հետադարձություն տալ առաջարկվող դրույթին՝ այն տարածելով խնդրո առարկա միջոցառման մեկնարկման ժամկետից։
