Մոտ 2 տարի առաջ գիտեին, որ Աղավնոյից պետք է բնակիչները հեռանան, սակայն ներդրումներ են արվել.«Ժողովուրդ»          Անկախ նրանից՝ ՀՀ-ն ուզում է Նախիջեւանի հետ կապը հաստատվի, թե ոչ, դա կլինի, սա շանս է իր համար       Արցախի ԱԽ գրասենյակը հայտնել է, թե ինչու է Բալասանյանը ՌԴ խաղաղապահների և Ադրբեջանի ներկայացուցիչների հետ այցելել Բերձոր    

29 հուն 2022 16:30

Որքան հասկացանք՝ այսպես թե այնպես, պատերազմ է գալիս… Պետք է պատրաստվել. Րաֆֆի Հովհաննիսյանը՝ Փաշինյանի ասուլիսի մասին

«Ժառանգություն» կուսակցության առաջնորդ, ԱԳ առաջին նախարար Րաֆֆի Հովհաննիսյանն անդրադարձել է վարչապետ Նիկոլ Փաշինյանի ասուլիսում հնչած հայտարարություններին:

Նա, մասնավորապես, նշել է. «Այլեւս չեմ դիտում՝ վիրավորական է եւ խիստ կանխատեսելի։ Գրեթե անխուսափելի։

Թշնամու դիրքորոշումներ, պատասխանատվությունից փախուստներ, մեղքի բաշխումներ, անհատական անվանարկումներ։

Պետության օրինակարգ ղեկավարն այդպես չի խոսում։

Որքան հասկացանք՝ այսպես թե այնպես, պատերազմ է գալիս… Պետք է պատրաստվել: Բայց ոչ նույն արյունոտ գետը նույն ձեւով ու բովանդակությամբ մտնելով։

Հայրենիք պահելու համար, վեր կանգնելով բոլոր անձնական նախասիրություններից ու տրամադրություններից, մեզ քաղաքական-ռազմական-մեթոդաբանական նոր հրամանատարություն է անհրաժեշտ` հրամայաբար եւ անմիջապե՛ս։

Անհրաժեշտ է նաեւ, որ ողջ հանրությունը, քաղաքական եւ քաղաքացիական բոլոր հատվածները զորավիգ կանգնեն Բերձորին, Աղավնոյին, համահայկական ուժերով կառուցված եւ գործող մայրուղուն։ Փոփոխելու որեւէ իրավական հիմնավորում չկա։

Ներողություն եմ խնդրում 63 տարեկան, իրական արժեք կերտած խմբագիրներից, մշակներից եւ գործիչներից՝ հատակ հասած նախկին գործընկերոջ մանր եւ վերջին հաշվով ինքնաբացահայտող շեղման ու արտահայտությունների համար։

Ահա սա ենք մենք, եւ սրա համար պետք է շտապ փոխվենք ու պատրաստվենք։

Մեկնաբանություններ


Համընկնող լուրեր