Ռուսաստանը զգալի ռեսուրսներ ունի. պատերազմին նախապատրաստվել է առնվազն 1 տարի, ինչը հուշում է, որ նա պատրաստ է երկարատև ռազմական գործողությունների
Ռուսաստանի Դաշնության նախագահ Վլադիմիր Պուտինը Ուկրաինայի հետ պատերազմին նախապատրաստվել է առնվազն մեկ տարի, ուստի դեռ երկար ժամանակ կարող է շարունակել պատերազմը։ Այս մասին CBS News-ին տված հարցազրույցում ասել է Գերմանիայի կանցլեր Օլաֆ Շոլցը։Այսպիսով, պատասխանելով հարցին, թե որքան կարող է տևել պատերազմը, կանցլերն ասել է, որ իրականում դա ոչ ոք չգիտի, սակայն Պուտինի երկարաժամկետ պլանավորումը հուշում է, որ նա պատրաստ է երկարատև ռազմական գործողությունների։
Նրա խոսքով՝ Ռուսաստանում շատ մարդիկ են ապրում, և երկիրը զգալի ռեսուրսներ ունի, ինչը ռազմական գործողությունները երկար վարելու նախադրյալներից է:
«Կարծում եմ, որ այս պատերազմը սկսելու որոշումը կայացվել է դրա սկսվելուց մեկ տարի առաջ, կամ գուցե ավելի վաղ, քանի որ նա պատրաստվում էր դրան: Եվ այսպես, նա կկարողանա շարունակել պատերազմը շատ երկար», - ասել է Շոլցը։
Նա նաև հավելել է, որ թեև Պուտինը «իրականում չի ընդունում դա», սակայն Ռուսաստանը զգում է արևմտյան պատժամիջոցների ազդեցությունը:
