Արցախի ՊԲ-ի փոխարեն «Ղարաբաղի ժողովրդական միլիցիա», ռուս խաղաղապահների դուրսբերում. ի՞նչ են պայմանավորվել Միրզոյանն ու Բայրամովը
Վերջին տեղեկությունը Մոսկվայի իրավասու մարմիններից: Թբիլիսիում Հայաստանի և Ադրբեջանի ԱԳ նախարարները հանդիպել են դեմ առ դեմ և զրուցել շուրջ 3 ժամ։ Հատուկ ծառայությունների տվյալներով՝ քննարկվել են մի քանի հարցեր. իր թելեգրամյան ալիքում գրում է ռուսաստանահայ մեդիամագնատ, հրատարակիչ Արամ Գաբրելյանովը։«Ռուսաստանի զինված ուժերի դուրսբերումը Ղարաբաղից և Արցախի Պաշտպանության բանակի փոխարեն Ղարաբաղի ժողովրդական միլիցիայի ստեղծումը, Լաչինի միջանցքի հանձնումը և խաղաղության պայմանագրի հիմնական թեզերը Բրյուսելում նոր գագաթնաժողովի նախօրեին։
Առաջին երկու հարցերի շուրջ ձեռք է բերվել լիարժեք փոխըմբռնում: Խաղաղության պայմանագրի ադրբեջանական ծրագրի մասով՝ հայկական կողմը խնդրել է պատրաստել ոչ թե պայմանագիր, այլ հռչակագիր։ Ինչն, ըստ էության, ոչնչով չի տարբերվում պայմանագրից։ Նիկոլը գրագետ, մաս-մաս վաճառում է Հայաստանը։ Հատուկ ծառայությունները վստահ են, որ Փաշինյանը անհոգ ծերության համար Ադրբեջանից մեծ գումար է ստանալու։ Փողերի երաշխավորը լինելու է ԱՄՆ-ը։ Այդ պատճառով ԿՀՎ տնօրենը թռավ Հայաստան։ Հաջորդ փուլը ռուսական ռազմակայանի դուրսբերումն է և ամերիկացիների կողմից Հայաստանի և Իրանի սահմանի վերահսկողությունը։ Ամերիկացիները Փաշինյանի ձեռքով Ռուսաստանին թողնում են Կասպից ծովով Իրանի հետ շփվելու միակ ճանապարհը։ Հաշվի առնելով, որ Ռուսաստանը Կասպից ծովում չունի ժամանակակից մեծ նավահանգիստ, Իրանի հետ հաղորդակցությունը շատ խնդրահարույց է», - նշել է նա։
