Մայիսի 27-ին կդադարեցվի բազմաթիվ հասցեների էլեկտրամատակարարումը          Տեսանյութ. Հատակը ծակելով փորձել են լսողական սարք տեղադրել Բագրատ Սրբազանի սենյակում       Հայտնի են 2024 թվականի միասնական քննությունների երկրորդ փուլի քննական օրերը    

20 հուլ 2022 11:59

Մոտակա ամիսներն ամենավճռականն են լինելու մեր գոյության համար .Ցավոք, հաշվի չի առնվում թուրքերի ստրատեգիկ նպատակը` ցամաքով ուղիղ սահման ունենալ Ադրբեջանի հետ

Քաղաքական վելրուծաբան Արման Աբովյանի խոսքով, Հայաստանի շուրջ գեներացվում եմ շատ կարեւոր գործընթացներ, որոնք սրընթաց մոտեցնում են անդառնալիության կետը՝ Հայաստանի և Արցախի ֆիզիկական գոյության սահմանը։ 


«Եկեք պարզապես շիտակ նայենք փաստերին։ Միայն վերջին մեկ ամսվա ընթացքում Հայաստան են ժամանել Իրանի անվտանգության և հետախուզության բարձրաստիճան պաշտոնյաներ, մի քանի օր անց էլ ԵՄ-ի, ԱՄՆ-ի, ЦРУ-ի ղեկավարները և Ռուսաստանի արտաքին հետախուզության ծառայության ղեկավարը։ Զուգահեռ ընթանում են թուրք-հայաստանյան բանակցությունները։ Զուգահեռ Ադրբեջանի ղեկավարությունը անցնում է ակնհայտ շանտաժի՝ (ընդ որում, մեղադրելով նաեւ ռուսներին) սպառնալով վերսկսել պատերազմը Հայաստանի և Արցախի դեմ։ Դրան գումարած Ադրբեջանը կտրուկ ակտիվացնում է ամենաբարձր մակարդակով տարածքային հավակնությունները Հայաստանի հանդեպ։ Կարեւոր է ընդգծել, որ Ադրբեջանը փաստացի պահանջում է լիարժեք զինաթափել Արցախը»,-ասաց Աբովյանը։


Վերջինս ընդգծում է, որ թուրք-ադրբեջանական տեռորիստական ոհմակի վերջնական նպատակն է՝ լիովին ոչնչացնել Արցախը, որից հետո ականատես կլինենք Հայաստանի մասնատման գործընթացին։


«Դե պարզ է, որ այդ գործընթացը անվանելու են դեմարկացիա, դելիմիտացիա կամ կոմունիկացիաների վերաբացում։ Սակայն դա էականորեն բան չի փոխի, քանզի Հայաստանը այս պարագայում զիջելու է Ադրբեջանին հայաստանյան ինքնիշխան ստրատեգիկ տարածքներ։ Բայց ամենազավեշտալին նա է, որ այս իշխանությունը, նույնիսկ զիջելով ամեն ինչ՝ դիմացը ակնկալելով ստանալ խաղաղություն, իրականում կտրուկ ավելացնում է նոր պատերազմի հնարավորությունը, քանզի հաշվի չի առնում թուրքերի ստրատեգիկ նպատակը` ցամաքով ուղիղ սահման ունենալ Ադրբեջանի հետ։ Իսկ ամենաահավորն այն է, որ գրեթե բոլոր խոշոր խաղացողները կառուցում են իրենց քաղաքականությունը այն տրամաբանության մեջ, որ Հայաստանը լիովին հրաժարվել է իր ինքնիշխանությունից։ Եվ համաձայն այս իրողության, բոլոր խաղացողները իրենց նպատակներին հասնելու համար ուղղակի անտեսելու են Հայաստանի Հանրապետություն քաղաքական միավորին։ Այս մոտակա ամիսները լինելու են գրեթե ամենավճռականը մեր գոյության համար։ Եվ սա բնավ չափազանցություն չէ»։ 


Աբովյանն ընդգծում է, որ այսօր Թեհրանում հանդիպելու են Իրանի, Ռուսաստանի և Թուրքիայի ղեկավարները և որոշելու են ամբողջ տարածաշրջանի իրական ապագան։ Փաստացի ականատես ենք լինում տարածաշրջանային «Պոտսդամի» համաժողովի նման մի գործընթացի՝ իսկ մենք շարունակում ենք գտնվել թրքահաճո և ադրբեջանամետ թմբիրի մեջ, խորապես թքած ունենալով՝ ինչ կլինի մեր հետ վաղը։


Մեկնաբանություններ


Համընկնող լուրեր