Քանի դեռ Հայաստանի շուրջ աշխատում է ակտիվ դիվանագիտություն, պատերազմի վտանգ այս պահին չկա, բայց...
Լրագրող Թաթուլ Հակոբյանը ֆեյսբուքյան իր էջում գրել է. «Պատերազմ չի լինելու, ԲԱՅՑ1. Հայկական լրատվամիջոցների՝ պատերազմի վտանգը շեշտադրելով մի քանի հազար ավելի լայքեր հավաքելու կցվածքն անընդունելի է, մեղմ ասած:
2. Պատերազմի վտանգ միշտ էլ կա, անգամ խաղաղ ժամանակ, բայց այսօր, քանի դեռ Հայաստանի շուրջ աշխատում է ակտիվ դիվանագիտություն, և սա նաև մեր ողբերգությունն է, պատերազմի վտանգ այս պահին չկա:
3. Օգոստոսի վերջին Բրյուսելում սպասվում է Փաշինյան-Ալիև հանդիպում, ինչը նշանակում է, որ հնարավոր պատերազմը ևս մեկ-մեկուկես ամիս հետաձգվում է:
4. Եթե մեր խնդիրները չլուծենք մեր հարևանների հետ, ապա պատերազմի սպառնալիք միշտ է լինելու, ինչպես եղավ 2020-ի ԱՂԵՏԸ:
5. Ցավալի է, որ մենք մեր խնդիրները լուծելու փոխարեն այն աութսորս ենք անում ռուսներին, ամերիկացիներին, եվրոպացիներին, հույսներս դնում իրանցիների, հնդիկների, չինացիների վրա:
6. Հայաստանը, այս կառավարությունը, ինչպես իր նախորդները, զբաղված են լուծումների իմիտացիայով: Դա չափազանց վտանգավոր է և կարող է պատերազմի դուռ բացել: Վախենո՞ւմ եք նոր Բաթումից և Ալեքսանդրապոլից, ուրեմն՝ ՀԵՌԱՑԵՔ: Ձեր արկածախնդրության պատճառով մենք արդեն մի պատերազմ ենք ճաշակել՝ մի ամբողջ սերունդ ուղարկելով մահվան դուռը:
Կրկնեմ՝ ՊԱՏԵՐԱԶԱՄ չի լինելու առաջիկայում... մնացյալի մասին կգրեմ ԱԼԻՔ-ի իմ սյունակում:
Եթե բանակում զինվոր ունեք, ՄԻ ԱՆՀԱՆԳՍՏԱՑԵՔ: Եթե պլաններ ունեք, ՄԻ՛ ՀԵՏԱՁԳԵՔ:
Եթե գնում եք գյուղ, Սևան կամ այլ տեղ հանգստի, ԳՆԱՑԵՔ:
Եվ վերջում՝ ՀԱՅԱՍՏԱ՛Ն, դու մեղք ես, որ ունեցել ես և ունես նման հանցավոր պատասխանատուներ»:
