Անկում տարադրամի շուկայում. ինչ փոխարժեքներ են սահմանվել մարտի 29-ի համար          Նոր դիվանագիտական սկանդալ է հասունանում արտգործնախարարությունում . «Ժողովուրդ»       Տեսանյութ.Խավարման կարգ` ի հիշատակ Քրիստոսի մատնության և չարչարանքների    

20 օգոս 2022 14:18

Ծառայությունից կամ զորահավաքային զորակոչից խուսափելու համար նախատեսված պատիժները խստացվել են

Հուլիսի 1-ից ուժի մեջ մտած Քրեական օրենսգրքի 461-րդ հոդվածով սահմանված են պարտադիր զինվորական կամ այլընտրանքային ծառայությունից կամ զորահավաքային զորակոչից խուսափելու համար նախատեսված պատիժները։

Iravaban.net-ը հայտնում է, որ պատիժները խստացվել են։

1. Պարտադիր զինվորական կամ այլընտրանքային ծառայության հայտարարված զորակոչից խուսափելը՝ այդ զորակոչից տարկետում ստանալու կամ ծառայությունից ազատվելու՝ օրենսդրությամբ սահմանված հիմքերի բացակայության դեպքում՝ պատժվում է ազատազրկմամբ՝ 2-5 տարի ժամկետով (նախկինում՝ առավելագույնը 3 տարի ժամկետով):

2․ Նշված արարքը, որը կատարվել է՝

1) իրեն մարմնական վնասվածք պատճառելու կամ հիվանդության սիմուլյացիայի ճանապարհով կամ

2) փաստաթուղթ կեղծելու կամ խաբեության այլ ճանապարհով՝

պատժվում է ազատազրկմամբ՝ 4-8 տարի ժամկետով (նախկինում՝ 1-5 տարի ժամկետով):

3. 1-ին կամ 2-րդ մասով նախատեսված արարքը, որը կատարվել է ռազմական դրության կամ պատերազմի ժամանակ, ինչպես նաև զորահավաքային զորակոչից խուսափելը`

պատժվում է ազատազրկմամբ` 6-12 տարի ժամկետով:

4. 1-ին կամ 2-րդ մասով նախատեսված հանցանք կատարած անձն ազատվում է քրեական պատասխանատվությունից, եթե կամովին ներկայացել և զորակոչվել է պարտադիր զինվորական կամ այլընտրանքային ծառայության:

Մեկնաբանություններ


Համընկնող լուրեր