Ինչպես կարող են Երևանի իշխանություններն իրենց երկիրն անվտանգ համարել, երբ նրա տարածքի որոշ հատվածներ արդեն օկուպացված են ադրբեջանցիների կողմից          Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ       Պարզվել է վանաձորցի 20-ամյա հղի կնոջ մահվան պատճառը    

24 օգոս 2022 11:30

Գնդապետը հերքում է ՊՆ հերքումը ու պնդում՝ թուրքերը եւս 2 կմ խորացել են ՀՀ տարածքում, ինքն առաջին ահազանգը ՊՆ կառույցներից է ստացել

Պահեստազորի գնդապետ Վոլոդյա Հովհաննիսյանը հերքում է ՊՆ հերքումը՝ ՊՆ ներկայացուցիչներին հրավիրելով Ջերմուկից իջնող սարեր՝ ցույց տալու, թե որտեղ են թուրքերը խորացել՝ գրավելով նոր տարածքներ։


Հիշեցնենք, որ Վոլոդյա Հովհաննիսյանը երեկ հրավիրված մամուլի ասուլիսում նշել էր, որ 4 օր առաջ թուրքերը Ջերմուկի սարերով իջել են մոտ 2 կմ ներքեւ դեպի Սիսիան՝ գրավելով նոր տարածքներ։ Ըստ նրա՝ մի քանի սպաներ փորձել են հենակետեր տեղադրել, բայց նրանց հրահանգվել է հետ քաշվել՝ սպառնալով քրեական գործ հարուցել՝ պատճառաբանելով, թե պատրաստ չենք պատերազմի։


«Ամբողջ բանակը գիտի այդ մասին։ Ասել են պրովոկացիա անեք՝ ձեզ կդատենք, կտանք թուրքին՝ կտանեն»,- ասուլիսում հայտարարել էր գնդապետը՝ նշելով, որ այդ մասին իրեն ասել են բանակի սպաներ՝ տարբեր մարզերից։


ՊՆ-ից «Փաստինֆո»-ի հետ զրույցում հերքել էին լուրը՝ նշելով, որ այն ապատեղեկատվություն է.


«Խնդրում եմ ապատեղեկատվություն չտարածել, զերծ մնալ չճշտված և իրականության հետ աղերս չունեցող տեղեկություններ հրապարակելուց»,- ասել էին ՊՆ-ից։


Վոլոդյա Հովհաննիսյանը կապ է հաստատել «Փաստինֆո»-ի հետ՝ պնդելով իր կողմից ավելի վաղ արված հայտարարությունները։


«Կարդալով հայտարարությունն այն մասին, որ իմ խոսքը, որ ադրբեջանցիները, թուրքերը ոտքով իջել են բարձունքներ և խորացել ՀՀ տարածք, իբրև չի համապատասխանում իրականությանը, վերահաստատում եմ, այն համապատասխանում է իրականությանը, այն ստացել եմ մի քանի աղբյուրներից, ՊՆ-ն շատ լավ տեղյակ է այդ մասին, հետևաբար, ՊՆ այդ հայտարարությունը ազգաբնակչությանը հերթական անգամ ապատեղեկատվություն տալու ստոր մեթոդ է։ Ես վերահաստատում եմ իմ խոսքը, այն մի քանի աղբյուրից է ստացված, եթե իրենք այդքան հետամուտ են ճշմարտության համար, պահանջում եմ՝ ես իրենց ներկայացուցչի հետ գնանք սարը և ես ցույց տամ, թե որտեղ են ադրբեջանցիները խորացել՝ մինչև 2 կմ»,- նշեց Հովհաննիսյանը։


Հարցին՝ արդյո՞ք ձեռքի տակ կան նաև ապացույցներ, փաստական տվյալներ՝ Հովհաննիսյանը նշեց, որ այդ փաստական տվյալներն այն սպաների, տեղյակ մարդկանցից են՝ և Կապանից, և Սիսիանից, և՛ բնակիչներից, որոնք հայտնում են, որ ադրբեջանցիները ոտ-ոտ իջել են և գրավել։


«Բայց ոչինչ, այդ սարերը «ձյան» տակ են, մեզ պետք չեն, կարող են գալ և գրավել»,- հեգնեց մեր զրուցակիցը։


Ինչ վերաբերում է Հովհաննիսյանի այն դիտարկմանը, որ ՊՆ-ն այդ մասին տեղեկացված է, Հովհաննիսյանը պարզաբանեց, որ ինքն առաջին ահազանգը ՊՆ կառույցներից է ստացել։


Մեկնաբանություններ


Համընկնող լուրեր