Թուրքիան միջազգային հանրության առջև ծառացած գլխավոր մարտահրավերներից և սպառնալիքներից է.ԱՄՆ սենատոր
ԱՄՆ Սենատի արտաքին հարաբերությունների հանձնաժողովի նախագահ Ռոբերտ Մենենդեսը Թուրքիան անվանել է Արևելյան Միջերկրական ծովի ամենամեծ սպառնալիքը և համարել այն միջազգային հանրության առջև ծառացած գլխավոր մարտահրավերներից մեկը՝ Չինաստանի, Ռուսաստանի և կլիմայի փոփոխության հետ մեկտեղ, գրում է «Ռիա Նովոստին»։Մենենդեսը նման հայտարարություն է արել Կապոդիստրիայի անվան Աթենքի ազգային համալսարանի դոկտորի պատվավոր կոչում ստանալու արարողության ժամանակ։
«Այս լսարանում ես կարիք չունեմ որևէ մեկին ասելու, որ Թուրքիան մնում է Արևելյան Միջերկրական ծովի մշտական և անմիջական սպառնալիքը:
Չնայած ՆԱՏՕ-ի դաշնակից լինելուն՝ Թուրքիան Էգեյան ծովում սադրիչ թռիչքներով մարտահրավեր է նետում Հունաստանի ինքնիշխանությանը: Կործանիչների կողմից օդային տարածքի խախտումը անընդունելի պահվածք է ցանկացած երկրի համար»,-ասել է նա:
