Հայի նկատմամբ բռնության կիրառած 2 ադրբեջանցու Ուկրաինայում դատարանը դատապարտել է 8 տարվա ազատազրկման          Բելառուսում մտադիր են պաշտոնյաների և զինվորականների համար մահապատիժ սահմանել պետական ​​դավաճանության համար       Մարդկանց մոտ նվազում է Y քրոմոսոմը,ինչպես են ծննդաբերելու տղամարդկանց, դա կարող է հանգեցնել մարդկության ավարտին    

23 սեպ 2022 12:00

Ի՞նչ է նշանակում, երբ ասում ենք 29 հազար քկմ.ինչե՞ր ենք կորցնում

«Երբ ասում ենք 29800 քառ կմ, դա նշանակում է.

▪︎Ադրբեջանին ենք տալիս Արցախն ամբողջությամբ,
▪︎Ադրբեջանին ենք տալիս Արարատի մարզի Տիգրանաշեն գյուղն իր հարակից տարածքներով և ռազմավարական նշանակություն ունեցող Թեժքար լեռը, որից թշնամին ուղիղ նշանառության տակ է առնելու ողջ Արարատյան դաշտավայրն իր գյուղերով,
▪︎Ադրբեջանին ենք տալիս Տավուշի մարզից զգալի հատված և Բերդի տարածաշրջան տանող միակ նորմալ երթևեկելի ճանապարհը,
▪︎Ադրբեջանին ենք տալիս Հայաստան-Իրան և Հայաստան-Վրաստան միջպետական ճանապարհների մի քանի հատվածներ, որը ունենալու է բոլոր այն հետևանքները, ինչ ունեցանք Գորիս-Կապան, Կապան-Ճակատեն ճանապարհները թշնամուն հանձնելուց հետո,
▪︎հերթական տարածքների և բարձունքների կորստով խաթարվելու է մեր առաջնագիծը, և հսկայական անվտանգային խնդիրներ ու սպառնալիքներ են առաջ գալու, ճիշտ այնպես, ինչպես եղավ Սյունիքում, Գեղարքունիքում և Վայոց Ձորում,
▪︎ուղիղ հարվածի տակ է դրվելու Երասխը, որի ռազմակալումն Ադրբեջանի կողմից ընդամենը ժամանակի հարց կդառնա, և թշնամու համար ուղիղ ճանապարհ կբացվի դեպի Արարատյան դաշտ ու Երևան,
▪︎տասնյակ գյուղեր Արարատի և Տավուշի մարզերում հայտնվելու են թշնամու ուղիղ նշանառության տակ, ինչն իր հերթին կբերի այդ գյուղերի աստիճանական և ամբողջական հայաթափմանն ու կորստին,
▪︎Հայսատանը կանգնելու է անհաղթահարելի սոցիալ-տնտեսական և հումանիտար աղետի առաջ։
Նկարներում Թեժքարն է ու նրանից բացվող տեսարանը»։

Հիշեցնենք, որ անցած շաբաթ Ազգային ժողովում ու կառավարության նիստում Նիկոլ Փաշինյանը հայտարարել էր.

«Սահմանների դեմարկացիայի և դելիմիտացիայի ու սահմանային անվտանգության հարցերով հանձնաժողովի գործունեության առումով ուզում եմ ընդգծել, որ մեզ համար անընդունելի է այդ գործընթացը տարածքային պահանջներ և նկրտումներ առաջադրելու նպատակով օգտագործելու ցանկացած փորձ: Դարձյալ ասում եմ՝ Հայաստանի Հանրապետությունը 29.800 քառակուսի կիլոմետր տարածք ունի, և այդ տարածքի որևէ միլիմետրը քննարկման առարկա լինել չի կարող: Ես ուզում եմ, որ մենք սա հստակ արձանագրենք, և այս դիրքորոշումը որևէ հանգամանքի ներքո փոփոխության չի ենթարկվելու: Կրկնում եմ՝ մեր քաղաքական դիրքորոշումն այն է, որ Ադրբեջանի ներխուժած ուժերը՝ ագրեսոր ուժերը, պետք է դուրս գան Հայաստանի Հանրապետության ինքնիշխան տարածքից: Մենք բոլոր ատյաններում և բոլոր հնարավոր միջոցներով պետք է հետապնդենք այս դիրքորոշումը և հասնենք առաջադրված խնդրի լուծմանը»։

Ալվինա Աղաբաբյան

Ռազմավարական հետազոտությունների կենտրոնի նախագահ, ԵՊՀ դասախոս

Մեկնաբանություններ


Համընկնող լուրեր