Հայի նկատմամբ բռնության կիրառած 2 ադրբեջանցու Ուկրաինայում դատարանը դատապարտել է 8 տարվա ազատազրկման          Բելառուսում մտադիր են պաշտոնյաների և զինվորականների համար մահապատիժ սահմանել պետական ​​դավաճանության համար       Մարդկանց մոտ նվազում է Y քրոմոսոմը,ինչպես են ծննդաբերելու տղամարդկանց, դա կարող է հանգեցնել մարդկության ավարտին    

24 սեպ 2022 10:51

Տեսանյութ․ԱՄՆ-ը կարող է ՀՀ-ին հարձակողական զենք ուղարկել, եթե Բաքուն շարունակի ագրեսիվ պահվածքը

Factor TV-ի հարցազրույցը արտակարգ և լիազոր դեսպան, Արցախի Հանրապետության նախկին արտգործնախարար Արման Մելիքյանի հետ

–ՄԱԿ-ի Գլխավոր վեհաժողովի շրջանակում ելույթ ունեցավ ՀՀ վարչապետ Նիկոլ Փաշինյանը։ Ինչպե՞ս եք գնահատում նրա ելույթը, հիմնական ուղերձները։ Գիտենք՝ խոսել է ՀՀ նոր տարածքներ օկուպացնելու Ադրբեջանի ցանկության մասին, քարտեզներից, որի մասին խոսել է Ալիևը։

-Ըստ էության, հանրայնացվեց այն, ինչ մինչ այժմ քննարկվում էր ավելի շատ ՀԱՊԿ-ի և Ռուսաստանի հետ համապատասխան պայմանավորվածությունների շրջանակում։ Առայժմ թե՛ ՌԴ-ի կողմից, թե՛ ՀԱՊԿ-ի կողմից արձագանքը պասիվ է, քաղաքական է, դիվանագիտական է։ Ըստ երևույթին, դա նաև հիմք է տալիս տեսնելու խնդիրն առավել մեծ ընդգրկուն լսարանում ներկայացնելու անհրաժեշտություն, ինչը և արվեց, դրա համար ՄԱԿ-ի հարթակը հարմար էր։ Այդ տեսանկյունից, կարծում եմ, ելույթը տրամաբանական էր, նշվեցին նաև Հայաստանի մոտեցումները, ընդգծվեց Ադրբեջանի անհիմն ագրեսիվ գործողությունները կասեցնելու անհրաժեշտությունը։ Ընդհանուր առմամբ, ելույթը բավարար էր, միգուցե, կարող է որոշակի արդյունքներ տալ՝ նաև միջազգային մեր գործընկերների կողմից այս խնդրի հանդեպ առավել ուշադիր լինելու տեսանկյունից։
-Այսինքն, Ձեր կարծիքով, ուղերձները հստակ էին, և ելույթը կարող է միջազգային գործընկերներին մղել քայլերի՞։

-Ելույթում քայլերի ծրագիր չի առաջարկվել, ընդհանուր կոչեր են հնչել, նաև Ադրբեջանի նախագահին ուղղված կոչեր են հնչել։ Այնուամենայնիվ, պետք է ելնենք նրանից, որ սա մարտավարական խնդիրներ լուծելու համար ծառայող ելույթ էր, որովհետև առայժմ ես հստակ մշակված ռազմավարություն ՀՀ իշխանությունների կողմից չեմ տեսնում։ Բայց հընթացս նկատելի է, որ հայ-ադրբեջանական հարաբերություններում ավելի ակտիվ դեր է ստանձնում պաշտոնական Վաշինգտոնը։ ԱՄՆ-ը փորձում է ստանձնել բանակցային դեմ առ դեմ գործընթացի կազմակերպման և հովանավորողի դերը։
Հարցազրույցն ամբողջությամբ՝ տեսանյութում։
Թամարա Հակոբյան  



Մեկնաբանություններ


Համընկնող լուրեր