Լավ քննարկեք խաղաղության շանսը. նկատողությո՞ւն, թե...Թուրքիան դատապարտել է ՀՀ-ի «սադրիչ» գործողություններն Ադրբեջանի դեմ
Թուրքիայում նախագահ Էրդողանի գլխավորությամբ կայացել է Ազգային անվտանգության խորհրդի հերթական նիստը։Թուրքական NTV–ի փոխանցմամբ՝ Թուրքիայի Ազգային անվտանգության խորհրդի նիստի ավարտին հրապարակվել է հայտարարություն, ըստ որի նիստի ժամանակ քննարկվել է Հունաստանի հետ կապված լարվածությունը, ռուս–ուկրաինական պատերազմը եւ Ադրբեջան–Հայաստան լարվածությունը։
Զավեշտալին այն է, որ հայտարարության մեջ նշվում է, թե Թուրքիան դատապարտում է Հայաստանի «սադրիչ» գործողություններն Ադրբեջանի դեմ, ինչպես նաեւ Հայաստանի իշխանություններին հիշեցրել են լավ քննարկել խաղաղության շանսը եւ կատարել ստանձնած պարտավորությունները։
