ՌԴ-ի շամանները գործի են անցել.զինվորների ոգին բարձրացնելու և երկրի բոլոր թշնամիների նկատմամբ հաղթանակի հասնելու ծես է անցկացվել
Ռուսաստանի գերագույն շաման Կարա-օլ Դոպչուն-ոոլը երախտագիտության խոսքերով դիմել է երկրի մյուս շամաններին ընդհանուր ծեսի համար, որը նրանք կատարել են ի աջակցություն Ուկրաինայում հատուկ ռազմական գործողության մասնակցող ռուս զինծառայողների։ Այս մասին հայտնում է ՌԻԱ Նովոստի-ն։Նշվում է, որ ի պաշտպանություն հողի, ժողովրդի և հայրենիքի, ինչպես նաև զինվորների ոգին բարձրացնելու և ամրապնդելու և Ռուսաստանի բոլոր թշնամիների նկատմամբ հաղթանակի հասնելու ծեսն անցկացվել է հոկտեմբերի 9-ին Մոսկվայի ժամանակով առավոտյան ժամը 9-ին։
Դրան մասնակցել են շամաններ Վլադիվոստոկից, Եկատերինբուրգից, Կազանից, Կեմերովոյից, Կրասնոյարսկից, Սանկտ Պետերբուրգից, Սոչիից, ինչպես նաև Տուվայից և Խակասիայից։
2021 թվականի օգոստոսին Ռուսաստանի գերագույն շամանը Կիզիլում (Տիվայի Հանրապետության մայրաքաղաք) տեղի ունեցած Շամանների Համառուսաստանյան III համագումարի ժամանակ հայտարարել էր, որ Ռուսաստանում ընդհանուր առմամբ աշխատում է մոտ չորս հազար շաման, և նրանց թիվն աճում է ամեն տարի:
