Ուկրաինայի հետ բանակցությունների պայմանները ծիծաղելի են,մենք ունենք մեր պայմանները, և դրանք շատ ավելի իրատեսական են
![](https://www.tert.am/news_images/1273/3818296_1/2720141.thumb.jpg)
«Ուկրաինայի ղեկավարության հետ բանակցությունների պայմանները ծիծաղելի են։ (...) Ուկրաինայի իշխանությունները սխալ դիրքերում են՝ ժամկետներ թելադրելու հարցում։ Մենք ունենք մեր պայմանները, և դրանք շատ ավելի իրատեսական են»,- գրել է Կադիրովը։
Նրա խոսքով՝ Կիևը պետք է ռուսական ճանաչի Լուգանսկի և Դոնեցկի Ժողովրդական Հանրապետությունները, Զապորոժիեն, Խերսոնը, Ղրիմը և Սևաստոպոլը։
Բացի այդ, Ուկրաինան պետք է Ռուսաստանին արտահանձնի բոլոր «ֆաշիստ հանցագործներին», ովքեր պատասխանատու են ռուսալեզու բնակչության դեմ կատարած հանցագործությունների համար, կամ էլ նրանց համար պաշտոնական դատավարություն կազմակերպի։
Չեչնիայի ղեկավարի խոսքով՝ «այդ պահանջներում ոչ մի բարդ բան չկա՝ ի տարբերություն Զելենսկու պայմանների»։ Միաժամանակ նա վստահություն է հայտնել, որ դա թույլ կտա դադարեցնել հակամարտությունը։ Կարևորը՝ պատերազմը կդադարի։
«Մինչ այդ ես անձամբ անընդունելի եմ համարում բանակցությունների մասին անգամ կակազելը»,- հավելել է Կադիրովը։