Բա էն ժամանակ Քոչարյանի և Սարգսյանի հետ ուժեղ դիրք ունեիք, իբր փրկել էիք աշխարհը և Արցախը,ճանաչեի՛ք անկախությունը, խի չարեցիք
«Հայաստանը 90-ականներին Ադրբեջանի դեմ չէր կռվում: Մեր սխալ այն էր, որ ՀՀ բարձրաստիճան որոշ պաշտոնյաներ, ավար բաժանելու նպատակով՝ որ իրենք են փրկել աշխարհը և Արցախը, ստորագրեցին այդ թուղթը, որը պատճառ դարձավ բազմաթիվ որոշումների և Հայաստանը դարձավ օկուպանտ՝ ՄԱԿ-ի որոշումներով»,-ԱԺ-ում անդրադառնալով 1994 թվականին զինադադարի պայմանագրի ստորագրմանը որպես կողմ Հայաստանի մասնակցության փաստին՝ ԱԺ ում հայտարարեց ՔՊ պատգամավոր Հովիկ Աղազարյանը:Նա «Հայաստան» խմբակցության ՀՅԴ անդամ պատգամավորներին հարցրեց, թե ինչու նախկինում հանդես չեն եկել Արցախի հանրապետությունը ճանաչելու նախաձեռնությամբ:
«Հետո դուք իշխանության մեջ էիք. ինձ էլ, որ վռդեցիք ՀՅԴ-ից, այն ժամանակ ընդունեիք Արցախի անկախությունը»,-ասաց պատգամավորը:
«Հայաստան» խմբակցությունից հայտարարեց, որ ՀՅԴ-ն Աղազարյանին չի վռնդել իր շարքերից, այլ հեռացրել է:
Հովիկ Աղազարյանն արձագանքեց. «Բա, որ երեք անգամ էլ խնդրեցի վերականգնել՝ ինձ վռնդեցիք ՀՅԴ-ից: Բա այն ժամանակ ճանաչէիք Արցախի անկախությունը, այդ հնարավորությունը ունեիք, իշխանությունների հետ մոտ էիք, Ռոբերտ Քոչարյանի և Սերժ Սարգսյանի հետ ուժեղ դիրք ունեիք, ճանաչեիք անկախությունը, հիմա էլ եկել այստեղ ասում եք՝ մանկապարտեզում ծեծում էին, ո՞ւմ էին ծեծում…
Հիմա ասեք: Համարձակություն ունեցե՛ք, փաստաթուղթ բերեք, որ Հայաստանի Հանրապետությունը ճանաչում է Արցախի անկախությունը: Ինչո՞ւ եք բերում այսպիսի փաստաթղթեր և, եթե մեր քաղաքական ուժն էլ փորձում է այս կամ այն դիրքում փոփոխություններ, ուղղումներ մտցնի, որպեսզի այն գիծը, որ տարվում է հնարավորինս անխոցելի լինի, սվիններով եք ընդունում»,-հայտարարեց ՔՊ-ական պատգամավորը:
