Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը          Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է       Եվ ահա նոր սպառնալիք.Հրավիրում ենք իրավապահների ուշադրությունը.«Զանգի, ասա` ռnւմբ կա «Դալմա մոլ»-ում»    

08 դեկ 2022 13:50

Արցախի անկախության ճանաչումը անվտանգության միակ երաշխիքն է.Ադրբեջանը ճնշում է գործադրում Եվրոպայի վրա իր էներգետիկ ռեսուրսներով, բայց ԼՂ-ն ու հայ ժողովուրդն են զոհը

Ինքնորոշման իրավունքի հարգումը և անկախության ճանաչումը Լեռնային Ղարաբաղի ժողովրդի անվտանգության միակ արդյունավետ երաշխիքներն են։ Այս մասին Ֆրանսիա կատարած աշխատանքային այցի ընթացքում ֆրանսիական հանրային France24 գործակալությանը տված հարցազրույցում ասել է Արցախի նախագահ Արայիկ Հարությունյանը։


«Գլխավորը՝ հարգեն մեր ինքնորոշման իրավունքը, որը մեզ համար անկախության ճանապարհն է: Դա միջազգայնորեն՝ ՄԱԿ-ի բանաձևերով պաշտպանվում է որպես ազգերի ինքնորոշման սկզբունք, և մենք պայքարելու ենք մինչև վերջ: Արցախցիների ինքնորոշման, անկախության իրավունքը սակարկման ենթակա չէ, դա հիմնավորված է հենց Ադրբեջանի պահվածքով», - ընդգծել է Հարությունյանը:


Հարությունյանն ասել է, որ ակնկալում է քաղաքակիրթ աշխարհի աջակցությունը. «Այսօր արցախահայության ճակատագիրը վտանգված է: Ցեղասպանություն թե էթնիկ զտումներ, մեզ համար տարբերություն չկա. եթե պետք է թողնենք Արցախը, մեզ համար դա հավասարազոր է կոտորվելուն: Հազարամյակներ ապրել ենք մեր հողում և ուզում ենք շարունակել ապրել այնտեղ, դա մեր իրավունքն է»:


Անդրադառնալով հնարավոր բանակցություններին՝ Արայիկ Հարությունյանն ասել է, որ Ադրբեջանը միակողմանի մերժում է երկխոսել միջազգային ձևաչափով:




Նա նաև նշել է, որ Ադրբեջանը ճնշում է գործադրում Եվրոպայի վրա իր էներգետիկ ռեսուրսներով, բայց Լեռնային Ղարաբաղն ու հայ ժողովուրդն են զոհը։


Արցախի ղեկավարին Փարիզում ընդունել են Ֆրանսիայի Սենատի և Ազգային ժողովի բոլոր բոլոր խմբակցությունների ղեկավարները: 

Մեկնաբանություններ


Համընկնող լուրեր