Ադրբեջանի այս քայլը սադրանք չէ, սա ռազմական գործողություն է, որին պետք է արձագանքել համապատասխան և համաչափ
Անվտանգության հարցերով փորձագետ Ալվինա Աղաբաբյանը, անդրադառնալով Լաչինի միջանցքը փակելու ադրբեջանական հերթական սադրանքին, շեշտել է, որ որևէ զիջման հայկական կողմը չպետք է գնա, այլապես դա ավելի է գրգռելու թշնամու ախորժակը։ «Արդեն 24 ժամ է՝ Ադրբեջանը փակել է Գորիս-Ստեփանակերտ ճանապարհն ու ամբողջական շրջափակման մեջ գցել Արցախը։Սա Արցախի և հայ ժողովրդի դեմ ուղղված թուրքական ցեղասպան քաղաքականության դրսևորում է՝ ուղղված Արցախի հայաթափմանն ու լկակատար օկուպացիային։
Ցանկացած զիջում հիմա էլ ավելի է գրգռելու Ադրբեջանի ախորժակն ու բերելու է նորանոր պահանջների։
Ցանկացած զիջում հիմա էլ ավելի է նվազեցնելու մեր հնարավորություններն ու թուլացնելու մեր դիրքերը։
Ադրբեջանի այս քայլը սադրանք չէ, սա ռազմական գործողություն է, որին պետք է արձագանքել համապատասխան և համաչափ։
Իսկ մեր զինված ուժեր ի վիճակի են խնդիր կատարել...»,-գրել է նա։
