Ռուսական կործանիչները թռիչքներ են իրականացրել Հայաստանում․ Արցախն ու խաղաղապահները շրջափակված են
ՌԴ Հարավային ռազմական շրջանի ռազմակայանի օպերատիվ-մարտավարական ավիացիայի МиГ-29 բազմաթիրախային կործանիչների օդաչուները մասնակցել են ուսումնառազմական թռիչքներին Հայաստանում։ Այս մասին հաղորդում է Հարավային ռազմական շրջանի մամուլի ծառայությունը։«Օդաչուների առաջ խնդիր էր դրված կատարել բարդ պիլոտաժի Էլեմենտներ՝ մարտական շրջադարձեր, հորիզոնական «տակառ», վիրաժներ, թեքության մեծ անկյուններով վերընթացները և այլն», - ասվում է հաղորդագրության մեջ։
Բացի այդ, Հարավային ռազմական շրջանի օպերատիվ-մարտավարական ավիացիոն անձնակազմները զույգերով և ստորաբաժանումներով թռիչքներ են իրականացրել բարձրադիր վայրերում տարբեր բարձրություններում՝ ինչպես ցերեկը, այնպես էլ գիշերը։
Հարավային ռազմական շրջանի 100-ից ավելի զինծառայողներ ներգրավվել են ուսումնական թռիչքներում, ներգրավվել են ավելի քան 10 միավոր ռազմական և հատուկ տեխնիկա, այդ թվում՝ МиГ-29 կործանիչներ։
