Գեղարքունիքի մարզում հայրը կասկածվում է իր անչափահաս դստերը հաճախակի ծեծի ենթարկելու մեջ և փորձել է սեռական հարաբերություն ունենալ նրա հետ          Պարզվել է վանաձորցի 20-ամյա հղի կնոջ մահվան պատճառը       Օդի ջերմաստիճանը աստիճանաբար կբարձրանա 8-10 աստիճանով. եղանակն առաջիկա օրերին    

26 դեկ 2022 10:43

Խորհրդային իշխանությունները «ադրբեջանական տարածքներ»Երևանն ու Սյունիքը պարզապես նվիրել են հայերին, բայց նրանք դրանով էլ չբավարարվեցին

Ադրբեջանի նախագահ Իլհամ Ալիևը հանդիպել է իր երկրի մտավորականների հետ: Հանդիպման ընթացքում նա կրկին խոսել է Երևանի ու Սյունիքի մասին՝ ներկայացնելով այդ տարածքները որպես ՛՛ադրբեջանական՛՛, որոնք ժամանակին խորհրդային իշխանությունները ՛՛նվիրել են հայերին՛՛:

Նրա խոսքով՝ թե նախկինում, թե այսօր կան մարդիկ, որոնք փորձում են տարբեր պատճառներով արդարացնել ՛՛Երևանը հայերին նվիրելը՛՛:

՛՛Բայց ես կարծում եմ, որ ոչ մի բացատրություն ընդունելի չէ, որովհետև հայերը չբավարարվեցին դրանով՛՛,-նշել է Ալիևը: 

Ադրբեջանի նախագահը հավելել է, թե ՛՛նրանք, ովքեր կարծում էին, որ հայերը դրանով բավարարվելու են, մեծապես սխալվել են՛՛։

Հերթական անգամ խեղաթյուրելով իրականությունը՝ Ալիևը հավելել է. ՛՛Պատմության հետագա ընթացքը կրկին ցույց տվեց դա։ 1920 թվականին սովետական իշխանության որոշմամբ և հայ ազգայնականների պնդմամբ Ադրբեջանից անջատեցին և Հայաստանին միացրեցին նաև մեր մյուս պատմական տարածքը՝ Զանգեզուրը։

Դա հերթական հանցագործությունն էր Ադրբեջանի ժողովրդի նկատմամբ։ Այդ որոշման նպատակը նույնպես շատ պարզ էր։ Առաջին հերթին՝ հայ ազգայնականները կարևոր դիրքեր էին զբաղեցնում խորհրդային կառավարությունում։ Մյուս կողմից, դա աշխարհագրական առումով Ադրբեջանը Նախիջևանից և Թուրքիայից կտրելուն ուղղված քայլ էր՛՛:

Մեկնաբանություններ


Համընկնող լուրեր