Տեսանյութ․Միջազգային հանրության գնահատականները մեզ այլևս չեն բավարարում, անհրաժեշտ է անցնել գործողությունների
Կառավարության նիստից հետո լրագրողների հետ զրույցում ՀՀ ՄԻՊ Քրիստինե Գրիգորյանը, պատասխանելով Լաչինի միջանցքի փակման խնդիրը լուծելու հարցում միջազգային հանրության դերակատարության վերաբերյալ հարցին, նշել է․ «Միջազգային կարևոր դերակատարներ և կազմակերպություններ շատ ուղիղ և հասցեական գնահատականներ են հնչեցրել: Շարունակվող բլոկադան հիմք է տալիս պնդելու, որ գնահատականներն այլևս մեզ չեն բավարարում, որովհետև իրավիճակը դրանից չի փոխվում և անհրաժեշտ է անցնել գործողությունների:
Մասնավորապես՝ ՄԱԿ-ի մարդու իրավունքների խորհրդին կոչ եմ արել ուղարկել փաստահավաք առաքելություն Լաչինի միջանցք՝ տեղում իրավիճակը հասկանալու, և իր հետևությունների համար հիմք ունենալու համար»,- ասել է Գրիգորյանը:
