Հայաստանն ակնկալում է օգնություն ստանալ Հնդկաստանից. ինչո՞ւ ՌԴ-ից Հայաստանն իր ձեռք բերած Սու-30-ը չի կիրառել Արցախյան 44-օրյա պատերազմում
Հնդկական մասնագիտացված Indian Defence Research Wing պորտալը հայտնում է, որ Ռուսաստանից Հայաստանն իր ձեռք բերած Սու-30-ը չի կիրառել Արցախյան 44-օրյա պատերազմում: Նշվում է, որ պատճառներից մեկն այն էր, որ հայ օդաչուները բավականաչափ մարզված չէին, և Հայաստանը չէր կարողացել հրթիռներ ձեռք բերել Լեռնային Ղարաբաղի պատերազմից առաջ։
Նշվում է, որ ըստ մամուլի հրապարակումների` հայկական Սու-30-երը որպես համակարգ օգտագործել են միայն չկառավարվող հրթիռներ, ինչի պատճառով հայկական կողմն այժմ նախատեսում է դիվերսիֆիկացնել ռեսուրսները՝ օդուժը կառուցելու համար և ակնկալում են օգնություն ստանալ Հնդկաստանից։ «Համագործակցության ոլորտը կարող է լինել օդաչուների պատրաստումից մինչև հնդկական արտադրության հրթիռների զինմամբ։ Հայաստանը հուսով է նորացնել իր օդուժը և նոր ձեռք բերված Սու-30-ները»,-գրում է լրատվամիջոցը։
