Եգիպտոսում թագավորական դամբարան է հայտնաբերվել
Եգիպտոսի հարավային Լուքսոր քաղաքում, որը հայտնի է փարավոնների ժամանակների իր գանձերով, հնագետները հնագույն դամբարան են հայտնաբերել, հաղորդում է AP-ն:Հնությունների գերագույն խորհրդի գլխավոր քարտուղար Մոսթաֆա Վազիրին ասել է, որ եգիպտա-բրիտանական առաքելությունը Նեղոս գետի արեւմտյան ափին՝ Լուքսորում՝ մայրաքաղաք Կահիրեից 650 կիլոմետր դեպի հարավ, թագավորական դամբարան է հայտնաբերել։
Նրա խոսքով՝ նախնական հետազոտությունները ցույց են տվել, որ դամբարանը, ըստ ամենայնի, պատկանում է Եգիպտոսի փարավոնների 18-րդ դինաստային, որը գոյություն է ունեցել մ.թ.ա. 1550 թվականից մինչեւ մ.թ.ա 1292 թվականը։
Այս դամբարանը վերջինն է հնագույն հայտնագործությունների շարքից, որոնց մասին Եգիպտոսը խոսում է վերջին տարիներին՝ ավելի շատ զբոսաշրջիկներ գրավելու հույսով: Եգիպտոսը փորձում է վերակենդանացնել զբոսաշրջության ոլորտը, որը արտարժույթի հիմնական աղբյուրն է։ Այս հատվածը մեծապես կախված է երկրի հնագույն գանձերից:
