Տեսանյութ.Խավարման կարգ` ի հիշատակ Քրիստոսի մատնության և չարչարանքների          Մարտի 29-ին կդադարեցվի հետևյալ հասցեների ջրամատակարարումը       Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք    

16 հուն 2023 18:07

Մենք պատերազմի վճռական փուլում ենք, կատաղի մարտեր ենք տեսնում․Ստոլտենբերգն ավելի է« դուխ» տալիս Ուկրաինային․ տրամադրենք այն զենքը, որը նրան անհրաժեշտ է հաղթելու համար

ՆԱՏՕ-ի գլխավոր քարտուղար Յենս Ստոլտենբերգը գերմանական լրատվամիջոցներին տված հարցազրույցում հայտնել է, որ առաջիկայում Ուկրաինան կստանա ծանր սպառազինության հերթական խմբաքանակը։

Handelsblatt թերթին տված հարցազրույցում Ստոլտենբերգը հայտարարել է գերմանական կառավարության վրա ճնշումն ուժեղացնելու մասին, որպեսզի Բեռլինը Leopard 2 տանկեր ուղարկի Ուկրաինա: Այս մասին «Արմենպրես»-ը տեղեկանում է «Интерфакс» գործակալությունից։

«Կարևոր է, որ մենք Ուկրաինային տրամադրենք այն զենքը, որը նրան անհրաժեշտ է հաղթելու համար», – հայտարարել է Ստոլտենբերգը։ Նա հավելել է, որ ապագայում ակնկալում է ավելի մեծ ռազմական աջակցություն Ուկրաինային: Ստոլտենբերգը նաև ասել է, որ չի կարծում, թե միջուկային զենքի կիրառման ռիսկն այժմ մեծ է։

ՆԱՏՕ-ի գլխավոր քարտուղարն ակնկալում է, որ հունվարի 20-ին Ռամշտայնի ամերիկյան ավիաբազայում Ուկրաինային աջակցության շփման խմբի հանդիպման արդյունքներով կհայտարարվի Կիևին նոր սպառազինություններ տրամադրելու մասին։

«Ես ակնկալում եմ, որ մենք կկարողանանք հայտարարել նոր ռազմական օգնության մասին: Ես ողջունում եմ հետևակի մարտական մեքենաներ ուղարկելու մասին ԱՄՆ-ի և Գերմանիայի որոշումը, թեթև տանկեր ուղարկելու մասին Ֆրանսիայի որոշումը: Վստահ եմ, որ մյուս դաշնակիցները ևս Ռամշտայնում կհայտարարեն նոր օգնության մասին», ասել է նա:

Ստոլտենբերգի խոսքով՝ Կիևին Leopard 2 տանկերի հնարավոր մատակարարման հարցը «լինելու է այն թեմաներից մեկը», որոնք Ռամշտայնում կքննարկվեն Ուկրաինայի ներկայացուցիչների ներկայությամբ։

«Ծանր ռազմական տեխնիկա տրամադրելու վերջին խոստումները կարևոր են, և ես ավելի շատ նոր խոստումներ եմ ակնկալում մոտ ապագայում», – հավելել է ՆԱՏՕ-ի գլխավոր քարտուղարը։ «Մենք պատերազմի վճռական փուլում ենք: Մենք կատաղի մարտեր ենք տեսնում: Կարող է պարադոքսալ թվալ, բայց Ուկրաինային ռազմական աջակցությունը խաղաղության հասնելու ամենաարագ ճանապարհն է», – կարծում է գլխավոր քարտուղարը։ Ստոլտենբերգը հավելել է, որ «հարկավոր է տրամադրվել երկարատև հակամարտության և շարունակել օգնել Ուկրաինային»:

Մեկնաբանություններ


Համընկնող լուրեր