Ադրբեջանցի պատգամավորները Եվրախորհրդարանի բանաձևը Ղարաբաղում և Լաչինի միջանցքի շուրջ ստեղծված իրավիճակի վերաբերյալ անվանել են «կողմնակալ և անարդար»
Ադրբեջանի խորհրդարանը հայտարարություն է ընդունել, որով դատապարտում է Եվրախորհրդարանի բանաձևը Ղարաբաղում և Լաչինի միջանցքի շուրջ ստեղծված իրավիճակի վերաբերյալ։Ադրբեջանցի պատգամավորները Եվրախորհրդարանի բանաձևն անվանել են «կողմնակալ և անարդար», իսկ դրա հեղինակներին՝ «անընդունակ հեռանալ երկակի ստանդարտների քաղաքականությունից»։
Երեկ Եվրախորհրդարանը Լաչինի միջանցքի հարցով բանաձև ընդունեց, որը Ադրբեջանին կոչ է անում անհապաղ բացել Արցախը աշխարհի հետ կապող միակ ճանապարհը և ձեռնպահ մնալ Հայաստանի ու Լեռնային Ղարաբաղի միջև տրանսպորտային, էներգետիկ և հաղորդակցական կապերը խափանելու գործելակերպից։
Արցախը աշխարհին կապող միակ ճանապարհը փակ է 40 օր։
