Ուկրաինայի արևելքում կատաղի մարտեր են ընթանում
Ուկրաինայի արևելքում շարունակվում են կատաղի մարտերը: Այս մասին հայտնել է Ուկրաինայի պաշտպանության փոխնախարար Աննա Մալյարը։ «Արևելքում շարունակվում են կատաղի մարտերը: Հակառակորդը փորձում է ընդլայնել հարձակման աշխարհագրությունը Լիմանսկի ուղղությամբ: Հզոր փորձեր է անում ճեղքել մեր պաշտպանությունը»,- Telegram-ի իր ալիքում գրել է Մալյարը՝ հավելելով, որ ռուսական զորքերը փորձում են հասնել Դոնեցկի և Լուգանսկի շրջանների սահմաններին։ «Չնայած ծանր կորուստներին, ռուս զավթիչները շարունակում են հարձակողական գործողությունները նաև Բախմուտ, Ավդեևսկի, Նովոպավլովսկի ուղղություններով», – գրել է Մալյարը։
