Տեսանյութ.Հանձնել է այդ չորս գյուղերը և Սյունիքն էլ է հանձնելու. դուք խոսքի, խոստումների համար տալիս եք տարածքի մի մա՞սը          Ամբողջ աշխարհի աչքի առջև ՀՀ-ն վերածվում է ծայրահեղ վտանգավոր ծրագրերի իրականացման գործիքի.Թե ինչու է Երեւանը ձեւացնում, թե չի հասկանում, թե ինչի մասին է խոսքը, մեծ հարց է       Եվ ահա նոր սպառնալիք.Հրավիրում ենք իրավապահների ուշադրությունը.«Զանգի, ասա` ռnւմբ կա «Դալմա մոլ»-ում»    

02 փետ 2023 13:57

«Ասում են՝ հոգեկան առողջական խնդիր ունի». մանրամասներ Երևանում աղբահանության աշխատակիցների դանակահարությունից

Գիշերը Երևանում դանակահարել են Երևանի աղբահանության և սանիտարական մաքրում հիմնարկի երկու աշխատակցի:


Հիմնարկի տնօրեն Հովհաննես Մանուկյանը «Հայկական ժամանակ»-ի հետ զրույցում ասաց, որ դանակահարված անձիք եղել են վարորդը և բանվորը, որոնք գիշերային ժամի աղբահանության աշխատանքներ են իրականացրել Երևանի Ավան-Առինջի Տաշքենդի փողոցի 2/8 հասցեում։


«Դեպքը տեղի է ունեցել մոտավորապես 22։00-ին, վեճ է առաջացել, որի ընթացքում դանակահարել է նրանց։ Դեռ չգիտենք՝ ինչից է առաջացել վեճը։ Ոստիկանությունն արդեն պարզել է, թե ով է եղել այդ անձը, բայց դեռ չեն ձերբակալել։ Ասում են՝ հոգեկան առողջական խնդիր ունի»,- մանրամասնեց Մանուկյանը։


Վիրավորներին տեղափոխել են «Սուրբ Գրիգոր Լուսավորիչ» ԲԿ: Աղբահանության բանվորը, ըստ Մանուկյանի, վնասվածքն ստացել է կրծքավանդակի շրջանում, նրան վիրահատել են, սակայն դեռ հիվանդասենյակ չեն տեղափոխել: Վարորդի վնասվածքը եղել է ավելի թեթև՝ հետույքի հատվածում, առաջին բուժօգնություն ստանալուց հետո նա դուրս է գրվել։


Ըստ մամուլում տարածված տեղեկությունների՝ ԵԱՍՄ դանակահարված աշխատակիցներին հիվանդանոցում այցելել է նաև Երևանի քաղաքապետ Հրաչյա Սարգսյանը։


Մեկնաբանություններ


Համընկնող լուրեր