Այսօր աշխարհում մարդկանց սեռական ակտիվությունը սկսել է նվազել, առավել նկատելիորեն նվազել է ամուսնացած զույգերի շրջանում
Սեքսոպաթոլոգ Սևադա Հակոբյանը գրում է.«Այսօր մարդիկ ավելի քիչ սեռական ակտիվություն ունեն, քան նախկինում
Պարադոքսալ է այն փաստը, որ հաստատում են բազմաթիվ ուսումնասիրություններ, որ այսօր մարդիկ ավելի քիչ սեռական ակտիվություն ունեն, քան նախկինում՝ միջինում նվազել է 15% -ով:
. Սեռական գործունեության անկումը մոտավորապես նույնն է տարբեր սեռի, ռասայի, ազգության և մասնագիտության տեր մարդկանց շրջանում: Ավելին, այս ցուցանիշը առավել նկատելիորեն նվազել է ամուսնացած զույգերի շրջանում:
Ինչ պատճառներ են ընկած դրա հիմքում.
.Կախվածություն պոռնոգրաֆիայից
Նոր տեխնոլոգիաների շնորհիվ պոռնոգրաֆիան ավելի մատչելի է դարձել և սոցիալական ցանցերը առավելագույնս ընդլայնել են իրենց սպառողների շրջանակը:
Առցանց պոռնոգրաֆիայի տարածվածության աճը որոշ հետազոտողների դրդել է ինտերնետային սեռական կախվածությունը հոգեկան խանգարում համարել: Պոռնոգրաֆիայի կախվածությունը իրական կյանքում փոխարինում է սեքսին և զգալիորեն նվազեցնում է սեռական ցանկությունը:
.Սոցիալական ցանցեր
Սոցիալական մեդիան երկրորդ հիմնական պատճառն է, որով մարդիկ շեղվում են իրենց սեռական կյանքից:
Եթե ավելի վաղ հետազոտողները ապացուցում էին, որ ննջասենյակում տեղադրված հեռուստացույցը զգալիորեն նվազեցնում է սեռական ակտիվությունը, ապա այժմ սոցիալական ցանցերը դարձել են ավելի ազդեցիկ գործոն:
.Աշխատանք
Ծանրաբեռնվածությունը, սթրեսը և հոգնածությունը համարվում են լիբիդոն նվազեցնող մեկ այլ գործոն: Հաճույք չպատճառող աշխատանքը վնասակար է հոգեկան առողջությանը, ինչը ազդում է սեռական կյանքի վրա:
.Սթրես
Սթրեսը դառնում է սեռական ակտիվության նվազման և սեքսից անբավարարվածության հիմնական պատճառ:
Սթրեսը մարդու վրա ազդում է տարբեր մեխանիզմներով՝ ազդում է հորմոնների մակարդակի վրա, ստեղծում է սեփական մարմնի նկատմամբ բացասական գնահատական, ստիպում է կասկածի տակ դնել ապագա ընտանեկան հարաբերությունների իմաստը և բարձրացնել ալկոհոլի և թմրանյութերի օգտագործման մակարդակը:
Այսպիսով, սեռական գործունեության անկումը կարելի է համարել ժամանակակից կյանքի հետևանք:
Սեռական առողջությունը մարդուն ավելի երջանիկ և առողջ է դարձնում, խթանում է մասնագիտական և անձնական նպատակասլացությունը»։
