Տեսանյութ.Վահան Տերյանի ծննդյան օրը Կոմիտասի անվան պանթեոնում՝ այցելություն և հարգանքի տուրք մեծանուն բանաստեղծի շիրիմին
Այսօր հայ անվանի պոետ, բանաստեղծ Վահան Տերյանի ծննդյան օրն է: Ավանդույթի համաձայն այս տարի ևս մեծանուն քնարերգուի արվեստի բազմաթիվ գնահատողները Կոմիտասի անվան պանթեոնում հարգեցին նրա հիշատակը:
Վահան Տերյանի անվան հետ է կապվում հայ պոեզիայի զարգացման պատմության նոր փուլերից մեկը:
Վահան Տերյանը ծնվել է Ախալքալակի Գանձա գյուղում՝ գյուղի հոգևորական Սուքիաս Տեր-Գրիգորյանի ընտանիքում:
1908թվականին Թիֆլիսում լույս է տեսնում Տերյանի ստեղծագործությունների "Մթնշաղի անուրջներ” ժողովածուն, որը շատ ջերմ է ընդունվում թե՛ ընթերցողների, և թե՛ քննադատների կողմից։ 1915թ. «Մշակ» թերթում հրատարկվում է բանաստեղծի հայրենասիրական բանաստեղծությունների «Երկիր Նաիրի» շարքը։
Նա ծանր հիվանդության պատճառով վախճանվել է Օրենբուրգում 1920 թվականի հունվարի 7-ին՝ 35 տարեկան հասակում։