Հայտնվել են տեսանյութեր, որտեղ թուրքերը վիրավորում են հայերին, ասում, որ իրենց այդ օգնությունը պետք չէ, հայերից օգնությունը ընդունելը վիրավորական է իրենց համար
Հայաստանը Թուրքիային կապող ամենակարճ ավտոճանապարհով՝ 1993-ից փակված Մարգարայի կամրջով օրերս հայկական մեքենաներ անցան։ 100 տոննա մարդասիրական բեռով հինգ բեռնատարները առավոտյան հատեցին միակողմանիորեն բացված սահմանը՝ ուղևորվելով աղետի գոտի՝ շուրջ 600 կիլոմետր հեռու Ադիյաման։ Հենց այս քաղաքում էր աշխատում նաև հայ փրկարարների 27 հոգանոց խումբը։ Մեկնարկած բանակցություններում Թուրքիան ներկայացնող դեսպան Սերդար Քըլըչը թվիթերյան գրառմամբ թեպետ շնորհակալություն էր հայտնել հայկական կողմի բանագնաց Ռուբեն Ռուբինյանին ու նորանշանակ փոխարտգործնախարար Վահան Կոստանյանին՝ օգնությունն իրականություն դարձնելու ջանքերի համար, սակայն ինչպես վկայում են թուրք օգտատերերի կողմից համացանց տեղադրած տեսանյութերը, Թուրքիայում այդքան էլ չին սպասում հայերի օգնությանը։ Տեսանյութերում թուրքերը վիրավորում են հայերին, ասում, որ իրենց այդ օգնությունը պետք չէ, հայերից օգնությունը ընդունելը վիրավորական է իրենց համար։
