Ապրիլի 22-ին երկար ժամանակով լույս չի լինելու բազմաթիվ հասցեներում          Լարված իրավիճակ. Ոսկեպարի ու Բաղանիսի բնակիչները փակել են միջպետական ճանապարհը       Բաքուն հայտարարել է 4 գյուղերի հանձնման, իսկ Երեւանը՝ 2,5-ի մասին    

Քաղաքականություն / Հասարակություն

19 փետ 2023 14:12

Փետրվարի 23-ին հանդես կգամ ուղերձով, կանդրադառնամ Արցախի շուրջ ստեղծված ներքին ու արտաքին վտանգներին. Արցախի նախագահ

Արցախի Հանրապետության նախագահ Արայիկ Հարությունյանը գրում է.

«Հարգելի հայրենակիցներ

2020 թվականի նոյեմբերի 9-ից հետո Արցախի Հանրապետության առջև ծառացած կարևորագույն հրամայականներից էր ներքին համերաշխության ու միասնականության ապահովումը՝ երկրում առաջացած խնդիրները արժանապատվորեն և անցնցում հաղթահարելու համար: Այդուհանդերձ հանրության շրջանում ձևավորված դժգոհությունն ու միմյանց նկատմամբ անվստահության մթնոլորտը դեռևս շարունակում է պահպանվել, ինչը պարտադրում է իշխանություններին հավելյալ քայլեր ձեռնարկել արցախյան ներքին կյանքի կայունությունն ու տևական խաղաղությունն ապահովելու ուղղությամբ:

Մենք պետք է ընդունենք, որ 44-օրյա պատերազմից հետո Արցախում ստեղծված իրավիճակում ԱՀ Սահմանադրության և օրենքների հիման վրա ստեղծված, ժողովրդաիշխանությունն արտահայտող պետական մարմինները ամբողջապես չեն արտացոլում հանրային տրամադրությունները, որոշ դեպքերում չունեն վստահության անհրաժեշտ չափ, ինչը մերօրյա անորոշությունների ու անընդհատ զարգացող իրադարձությունների պայմաններում հաճախ ծնում է օբյեկտիվ ու սուբյեկտիվ դժգոհության ալիքներ, հանգեցնում պոռթկումների, ներքին ցնցումների:

Վերջին օրերին բազմաթիվ հանդիպումներ եմ ունեցել, որոնց ընթացքում ներկայացրել եմ երկրում ստեղծված վիճակը, ներքին ու արտաքին վտանգներն ու մարտահրավերները:

Երեկ արձագանքել եմ հանրային սեկտորի ներկայացուցիչների առաջարկին, հանդիպել նրանց հետ, տեղի է ունեցել կառուցողական քննարկում, որի ընթացքում բարձր եմ գնահատել ներկաների՝ Արցախի ապագայի հանդեպ ցուցաբերած պատասխանատվությունն ու անզիջում պայքարի պատրաստակամությունը: Լսելով ներկայացված մտահոգություններն ու խնդիրները, ընդունել եմ Արցախի Հանրապետության տարբեր շրջանների ներկայացուցիչներից կազմված՝ Նախագահին կից խորհրդատվական մարմին ստեղծելու պահանջ-առաջարկը, որը պետք է ծառայի որպես երկրի ներքին ու արտաքին քաղաքականությանն առնչվող հարցերի քննարկման հարթակ, ունենա խորհրդատվության, առաջարկություններ ներկայացնելու առանցքային ու ծանրակշիռ իրավունք: Պատրաստ եմ առաջիկայում սկսել այդ գաղափարի իրացման աշխատանքները:

Հարգելի հայրենակիցներ, այս և այլ հարցերի վերաբերյալ փետրվարի 23-ին հանդես եմ գալու ուղերձով, որի ընթացքում առավել մանրամասն կանդրադառնամ Արցախի շուրջ ստեղծված ներքին ու արտաքին վտանգներին, խնդիրներին, անելիքներին ու մեր հետագա քայլերին»։
  • Մեկնաբանություններ: 0

Մեկնաբանություններ


Համընկնող լուրեր

  • Ընդհատակ չեմ անցնելու. թե ինչու ավելի վաղ հրաժարական չե՞մ տվել Ընդհատակ չեմ անցնելու. թե ինչու ավելի վաղ հրաժարական չե՞մ տվել
  • Հրապարակայնորեն կրկին ներողություն եմ հայցում հայ ժողովրդից՝ մեղավորության իմ բաժնի համար Հրապարակայնորեն կրկին ներողություն եմ հայցում հայ ժողովրդից՝ մեղավորության իմ բաժնի համար
  • Ի՞նչ անակնկալ է մատուցելու Արցախի նախագահ Արայիկ Հարությունյանը․ «Առավոտ» Ի՞նչ անակնկալ է մատուցելու Արցախի նախագահ Արայիկ Հարությունյանը․ «Առավոտ»
  • Արայիկ Հարությունյանն աշխատանքից ազատեց պետնախարար Ռուբեն Վարդանյանին նշելով պատճառը Արայիկ Հարությունյանն աշխատանքից ազատեց պետնախարար Ռուբեն Վարդանյանին նշելով պատճառը
  • Ինչի մասին է պատրաստվում հայտարարել Արայիկ Հարությունյանը. մանրամասներ ուղերձից. «Հրապարակ» Ինչի մասին է պատրաստվում հայտարարել Արայիկ Հարությունյանը. մանրամասներ ուղերձից. «Հրապարակ»
  • Բազմաթիվ խնդիրներ արհեստածին են և պայմանավորված են հաճախ նաև իմ լռությամբ Բազմաթիվ խնդիրներ արհեստածին են և պայմանավորված են հաճախ նաև իմ լռությամբ
  • Հայաստանի իշխանությունները որևէ քայլ չեն ձեռնարկում Արցախի շուրջ ստեղծված իրավիճակի առումով.«Փաստ» Հայաստանի իշխանությունները որևէ քայլ չեն ձեռնարկում Արցախի շուրջ ստեղծված իրավիճակի առումով.«Փաստ»
  • Վիտալի Բալասանյանը նշանակվել է Արցախի անվտանգության խորհրդի քարտուղար Վիտալի Բալասանյանը նշանակվել է Արցախի անվտանգության խորհրդի քարտուղար
  • Արցախի նախագահը՝ ստեղծված վիճակի պատճառների մասին․ ուղիղ Արցախի նախագահը՝ ստեղծված վիճակի պատճառների մասին․ ուղիղ
  • Արցախի քաղաքական ուժերը անհանգստացած են Հայաստանի ներքաղաքական վիճակով Արցախի քաղաքական ուժերը անհանգստացած են Հայաստանի ներքաղաքական վիճակով