Միգրանտներով լի ավտոբուս է շրջվել. մահացել է 17 մարդ
Մեքսիկայի Պուեբլա նահանգում միգրանտներով լի ավտոբուս է շրջվել, ինչի հետևանքով 17 մարդ է մահացել. հայտնել է ՆԳՆ տեղական վարչության ղեկավար Խուլիո Ուերտան։ՏԱՍՍ-ի փոխանցմամբ՝ ավտոբուսում եղել է 45 անօրինական միգրանտ Կենտրոնական Ամերիկայից, Կոլումբիայից եւ Վենեսուելայից։
Բժիշկները օգնություն են ցուցաբերել 13 տուժածի, նրանցից 5-ի վիճակը գնահատվում է ծանր։
Նախնական տվյալներով՝ ավտոբուսը ուղևորվել է ԱՄՆ-ի հետ սահման։
