Արտակ Բեգլարյանի կոշտ արձագանքը՝Տոյվո Կլաարի մասին ՝ նա կամ ադրբեջանական ուղեղի լվացման տակ է, կամ կոռումպացված չինովնիկ է
Արցախում Ադրբեջանի զինված ուժերի կազմակերպած դիվերսիային Հարավային Կովկասում Եվրոպական Միության հատուկ ներկայացուցիչ Տոյվո Կլաարի անդրադարձի վերաբերյալ Արցախի պետնախարարի խորհրդական Արտակ Բեգլարյանը կոշտ գրառում է կատարել «Թվիթեր»-ի իր էջում:«Իմ անվստահությունը Տոյվո Կլաարի նկատմամբ ավելի է խորանում՝ ադրբեջանական հանցագործությանը նրա ռեակցիայի պատճառով: Նա կամ սիրողական դիվանագետ է կամ ադրբեջանական ուղեղի լվացման տակ է, կամ կոռումպացված չինովնիկ է կամ Եվրոպական արժեքների, շահերի և մարդու իրավունքների շեղված ընկալումներ ունի: Բոլոր չորս տարբերակների դեպքում փոփոխություններն անհրաժեշտություն են»,- գրել է նա:
Հիշեցնենք՝ Մարտի 5-ի առավոտյան ժամը 10։00-ի սահմաններում, ադրբեջանական զինուժի դիվերսիոն խումբը «Խայփալու» կոչվող տեղանքում թիրախավորել և կրակ է բացել ոստիկանության անձնագրային և վիզաների վարչության անձնակազմի հերթափոխի մեքենայի վրա։ Դիվերսիոն ներթափանցման հետևանքով զոհվել է ոստիկանության 3 ծառայող.
