Ինչո՞ւ չի կարելի Արցախի եւ Ադրբեջանի իշխանությունների հանդիպումները դիտարկել որպես հակամարտության կարգավորման երկխոսություն
Արցախի նախկին պետնախարար Արտակ Բեգլարյանը Telegram-ի իր ալիքում գրառում է կատարել այն մասին, թե ինչու Արցախի եւ Ադրբեջանի իշխանությունների հանդիպումները չեն կարող դիտարկվել որպես հակամարտության կարգավորման երկխոսություն։«Ինչո՞ւ չի կարելի Արցախի եւ Ադրբեջանի իշխանությունների հանդիպումները դիտարկել որպես հակամարտության կարգավորման երկխոսություն։
Ձեւաչափ. սա միջազգային հանրության կողմից երաշխավորված ձեւաչափ չէ բոլոր կողմերի համար որոշակի կանոններով եւ դերերով, ի տարբերություն, օրինակ, ԵԱՀԿ Մինսկի խմբի ձեւաչափի։
Հիմքեր. այն չունի ֆորմալ (քաղաքական եւ իրավական) հիմք, չկա ոչ միջազգային, ոչ նույնիսկ երկկողմանի ստորագրված փաստաթուղթ։
Թեմաներ՝ քննարկվել են միայն համապատասխան հումանիտար եւ ենթակառուցվածքային թեմաներ: Բայց իրականում հակամարտության կարգավորումը պահանջում է բազմաթիվ բարդ, կարեւոր ու երկարաժամկետ հարցերի քննարկում ու լուծում։
Այնպես որ, չնայած ադրբեջանական հավակնություններին եւ կեղծիքներին, նման հանդիպումները չեն կարող փոխարինել հակամարտության կարգավորման իրական միջազգային ձեւաչափին, որն անհրաժեշտություն է», - գրել է Արտակ Բեգլարյանը։
