Զելենսկին հայտարարել է, որ պատրաստ է բանակցությունների սեղանի շուրջ նստել Պուտինի հետ, եթե այն խաղաղություն հաստատելու միակ տարբերակը լինի          Ամենայն Հայոց Կաթողիկոսը մեկնել է Շվեյցարիա       Եթե այս մեկը զիջենք աստիճանաբար ուրիշ բաներ կանեն, ինչպես գույքահարկը, աղբի հարկը    

25 մար 2023 10:39

Փորձագետներն են թիրախավորվում. նոր տեղեկատվական արշավ ․ «Փաստ»

«Փաստ» օրաթերթը գրում է․ Հայաստանում արևմտյան ֆինանսավորմամբ գործող առանձին շրջանակներ այս օրերին լծվել են նոր տեղեկատվական արշավի: Իմաստը Արևմուտքի ու արևմտյան քաղաքականության քարոզչական թեզերի «ամուր պաշտպանության» գործին թարմ շունչ հաղորդելն է: «Փաստ» թերթի տեղեկություններով, նախնական ուսումնասիրություններով պարզվել է, որ հակառուսականության թեզերը առանձնապես հաջող չեն աշխատում Հայաստանում, փոխարենը ակտիվացել է «արևմտյան գծի» հանդեպ սուր քննադատությունը:


Ըստ այդմ, որոշվել է կտրուկ հակադարձել բոլոր նրանց, ովքեր «կհամարձակվեն» հավաքական Արևմուտքի, արևմտյան երկրների կամ պաշտոնյաների «թանին թթու» ասել: Ներկայում ինտենսիվ մոնիտորինգի են ենթարկվում ոչ միայն քաղաքական գործիչների, այլև հատկապես փորձագետների (ի մասնավորի՝ քաղաքագետներ, միջազգայնագետներ, տնտեսագետներ) գրառումները, հարցազրույցները, և բոլոր այն դեպքերում, երբ որևէ ձևակերպում գնահատվում է որպես Արևմուտքի ու արևմտյան քաղաքականության նկատմամբ բացասական վերաբերմունքի ձևավորման հավանականություն, անմիջապես հետևում է անդրադարձ՝ առավելապես հերքումների, «սուտ բռնելու» տեսքով:




Սրան զուգահեռ ակտիվացել է նաև ֆեյքային գործիքակազմը: Հիմնականում իշխանամետ կամ վերը նշված շրջանակներին հարող «էջերի» միջոցով հարձակում է սկսվում այդ փորձագետների էջերի վրա, ինչպես նաև հայհոյախառն, վիրավորական գրառումներ են կատարվում այն հարթակներում, որտեղ նշյալ «հերքումներն» են տեղ գտնում: Ի դեպ, կան տեղեկություններ, որ այս ամենն իրականացվում է Հայաստանի իշխանությունների «բարձր հովանու» ներքո:


Հոդվածն ամբողջությամբ կարող եք կարդալ «Փաստ» թերթի՝ 25․ 03․ 23 թ համարում։


Մեկնաբանություններ


Համընկնող լուրեր