Մարտի 29-ին կդադարեցվի հետևյալ հասցեների ջրամատակարարումը          Տեսանյութ.Ավագ Հինգշաբթի՝ Սուրբ Հաղորդության խորհրդի հաստատում, Խորհրդավոր ընթրիք       Մարտի 29-ին երկար ժամանակով լույս չի լինի բազմաթիվ հասցեներում    

27 մար 2023 13:21

Թե ինչու են ընտրվել հենց աղմուկ բարձրացրած սակուրա տեսակի տնկիները․ Բեգոյան

«Կանաչապատում և շրջակա միջավայրի պահպանություն» ՀՈԱԿ-ի տնօրեն Արմեն Բեգոյանը Երևանի քաղաքապետարանում գործակարգավարական նիստի ընթացքում պարզաբանեց, թե ինչու են ընտրվել հենց սակուրա տեսակի տնկիները՝ կտրված թեղիների ու հացենիների փոխարեն։


«Նախ մայթը այդտեղ բնաբաժանից մինչև շենքի պատ, 1 մետր է, շատ նեղ է։ Բացի այդ մենք գիտակցված ընտրել ենք այնպիսի ծառատեսակներ, որոնց սաղարթը շատ մեծ չէ, որովհետև կան չափանիշներ, որոնք պետք է կիրառվեն՝ մարդկանց լույսը չփակելու համար և այլն։ Աղմուկ բարձրացրած անձանց կողմից առաջարկված ծառերը մեծ սաղարթ ունեին, նախ չէին տեղավորվի և մի քանի տարի անց իրենց հզոր արմատային համակարգով համ կքանդեին շենքի հիմքը, համ էլ կփակեին քաղաքացիների լույսը»,- ասաց Բեգոյանը։


Նա ասաց, որ այն փողոցում, որտեղ տնկվելու են սակուրաներ, շարունակվող փողոցում արդեն 10 տարի է՝ տնված են սակուրաներ և նաև դրանով է պայմանավորված այդ ծառատեսակի ընտրությունը։


«Այդ ծառերով հմայվում են մեր քաղաքացիները և շատ շուտով կսկսեն նկարվել ու տեղադրել իրենց սոցիալական ցանցերում։ Հաջորդ պատճառն այն է, որ այդտեղ տեղադրված է Թամանյանի արձանը։ Նա վարդագույն Երևանը գծագրող մեր ճարտարապետն է ու քանի որ սակուրաները ծաղկման շրջանում վարդագույն են, նաև դա է դրդապատճառ հանդիսացել»,- ասաց ՀՈԱԿ-ի տնօրենը։

Մեկնաբանություններ


Համընկնող լուրեր