ՀՀ-ն շահագրգռված չէ Թուրքիայի հետ հարաբերությունների կարգավորմամբ,չեն կարողանում 1915 թ. իրադարձությունների վերաբերյալ գործել ինքնուրույն, առանց հայկական սփյուռքի թելադրանքի
Հայաստանը կարծես թե շահագրգռված չէ Թուրքիայի հետ հարաբերությունների կարգավորման գործընթացում քայլեր ձեռնարկել։ Այս մասին TurkicWorld-ին հայտնել են Թուրքիայի նախագահի աշխատակազմից։Նախագահի աշխատակազմից ասել են, որ, ցավոք, Հայաստանի իշխանությունները չեն կարողանում 1915 թվականի իրադարձությունների վերաբերյալ գործել ինքնուրույն և հայկական սփյուռքի թելադրանքից դուրս։
«Լուրջ խնդիր է, որ Հայաստանն ու հայկական սփյուռքը դեռևս արմատացած են պատմության չապացուցված խորքերում: Դա լուրջ խոչընդոտ է հասարակության ժամանակակից և մշակութային աշխարհին ինտեգրվելու համար», - ասել է վարչակազմը:
Նշվում է նաև, որ Թուրքիան երբեք չի ամաչել իր պատմության համար, քանի որ պատմության ընթացքում միշտ հանդես է եկել ճշմարտության և արդարության օգտին:
