Ռուսաստանն է հիմա խաղի տերը. ուկրաինական պատերազմից հետո ՌԴ-ն կարող է այնպիսի քայլ անել, որ փաթեթով լուծվեն բոլոր հարցերը Անդրկովկասում
Ռեֆորմիստների կուսակցության նախագահ Վահան Բաբայանը ֆեյսբուքյան իր էջում գրել է. «Վաշինգթոնյան հանդիպումները որևէ արդյունք չեն կարող ունենալ, քանի որ առանց Մոսկվայի բացառված է կարողանան որոշում կայացնել:Այլ հարց է, որ Մոսկվան այսօր չի սաստում Ադրբեջանին, բայց պետք չէ նաև մոռանալ, որ ուկրաինական պատերազմից հետո Ռուսաստանը կարող է այնպիսի քայլ անել, որ փաթեթով լուծվեն բոլոր հարցերը Անդրկովկասում:
Ի վերջո Ղարաբաղում ՌԴ զորքն է կանգնած, ոչ թե ամերիկացիների, չգիտես ինչու շատերը սա մոռանում են: Միրզոյանն ու Բայրամովը ինչ էլ որոշեն Բլինքենի քավորությամբ, միևնույնն է, Նիկոլին կանչում են Մոսկվա:
Ռուսաստանն է հիմա խաղի տերը, եթե նրանք մնան Ղարաբաղի այդ հատվածում ևս հինգ տարի, որևէ մեկը չի կարող նրանց հանել այդտեղից: Ոչ Բլինքենը, ոչ Ալիևը, ոչ էլ Նիկոլը: Ու արդեն դժվար չի պատկերացնել, թե ինչքան է մեծացել ռուսների դերը այս հարցում, երբ Վաշինգթոնում հարցերի լուծումներ փաստացի չեղան: Ու ինչքան մնա այս իշխանությունը, այնքան ավելի բարդանալու է հայ-ռուսական օրակարգը դրա բոլոր հետևանքներով»:
