Մայիսի 27-ին կդադարեցվի բազմաթիվ հասցեների էլեկտրամատակարարումը          Տեսանյութ. Հատակը ծակելով փորձել են լսողական սարք տեղադրել Բագրատ Սրբազանի սենյակում       Հայտնի են 2024 թվականի միասնական քննությունների երկրորդ փուլի քննական օրերը    

11 մայիս 2023 10:17

Ի՞նչ իրավիճակ է Սոթքում, Կութում և Վերին Շորժայում այս պահին. համայնքապետերն են պատմել.Վիրավորների վիճակը բավարար է

Վիրավորների վիճակը բավարար է, նրանց կյանքերին վտանգ չի սպառնում։ Sputnik Արմենիայի հետ զրույցում տեղեկությունը հայտնել են Վարդենիսի զինհոսպիտալից։


«Նրանց վիճակը բավարար է»,– նշել է ԶԼՄ-ի զրուցակիցը։


Վիրավորները վիրահատության կարիք ունեն, թե ոչ` հոսպիտալից չեն մեկնաբանել։
Պաշտպանության նախարարությունը հայտարարել է 3 վիրավորի մասին։


Հիշեցնենք, որ Ադրբեջանի ԶՈւ ստորաբաժանումները ժամը 06.00-ից հրետանային և ականանետային միջոցներից կրակ են բացել Սոթքի ուղղությամբ տեղակայված հայկական դիրքերի ուղղությամբ:


ՀՀ զինված ուժերի ստորաբաժանումները ձեռնարկում են համապատասխան պաշտպանական-կանխարգելիչ միջոցառումներ:
***
Ադրբեջանի ԶՈՒ ստորաբաժանումները շարունակում են հրետանային և ականանետային միջոցներից կրակը Սոթքի հատվածում տեղակայված հայկական դիրքերի ուղղությամբ:


Aysor.am-ի հետ զրույցում Սոթքի համայնքապետ Սևակ Խաչատրյանն ասաց, որ այս պահին չի կարող խոսել, քանի որ շատ զբաղված է.«Ավելի ուշ զանգեք, տեսնեմ՝ ինչ եք ուզում»:


Կութ բնակավայրի վարչական ղեկավար Գրիգոր Ավագյանն էլ  նշեց, որ կրակոցներ եղել են, սակայն այս պահին հանգիստ է.«Կրակոցներ չկան, գյուղացիներն առօրյա կյանքով ապրում են: Փառք Աստծո, ոչ մի վնաս չի եղել: Չեմ կարող ասել՝ կրակոցները դադարել են թե ոչ, բայց գյուղում չի լսվում»:


Վերին Շորժայի համայնքապետ Արտյոմ Երանոսյանն էլ ավելացրեց, որ իրնեց հատվածում ևս հանգիստ է.«Ոչ մի կրակոց չի եղել: Կրակոցների ձայներ հեռվից հեռու լսվել են»:
***
Ժամը 10:25-ի դրությամբ Սոթքի ուղղությամբ  լարվածության նվազումը պահպանվում է: Նույն ժամի դրությամբ սահմանագոտու մյուս հատվածներում հարաբերականորեն կայուն է:


Ադրբեջանական սադրանքի հետևանքով հայկական կողմը ժամը 10:25-ի դրությամբ ունի 4 վիրավոր: Վիրավոր զինծառայողներից 2-ի վիճակը գնահատվում է բավարար, 2-ինը՝ միջին ծանրության: Վիրավորում ստացած զինծառայողների կյանքին այս պահի դրությամբ վտանգ չի սպառնում, հայտնում են ՀՀ ՊՆ-ից։ 


 


Մեկնաբանություններ


Համընկնող լուրեր