Հայկական դիրքերի և շտապօգնության մեքենայի գնդակոծումը վկայում է Ադրբեջանի՝ բանակցային գործընթացում հայկական կողմին իր պայմանները թելադրելու փորձի մասին
Հայաստանի հետ սահմանին ադրբեջանական կողմի սանձազերծած սադրանքը ևս մեկ անգամ ապացուցում է հայկական կողմի վրա ուժի և սպառնալիքների միջոցով ճնշում գործադրելու Ադրբեջանի չդադարող քաղաքականությունը: Այս մասին «Թվիթեր»-ի իր միկրոբլոգում գրել է ՀՀ հատուկ հանձնարարություններով դեսպան Էդմոն Մարուքյանը:«Հայկական դիրքերի և վիրավոր զինվորին տարհանող շտապօգնության մեքենայի գնդակոծումը վկայում է Ադրբեջանի անխնա գործողությունների և բանակցային գործընթացում հայկական կողմին իր պայմանները թելադրելու փորձի մասին»,- գրել է նա։
