Հիմա էլ սպիտակ փոշիով մահ են բերում.ՀՀ իշխանությունը նարկոմաֆիայի է վերածվել. որտեղի՞ց իշխանությանը 1 մլրդ դոլարից ավելի գումար, որտեղի՞ց են այն անհայտ ծագման գումարները, որ տնտեսության մեջ կան
Հայաստանի ազգային անվտանգության սպառնալիքները գալիս են եւ Արցախի ու Հայաստանի շուրջ պրոցեսներից, եւ նարկոտիկների շրջանառության աճից: Այս մասին այսօր՝ մայիսի 18-ին, ԱԱԾ-ի դիմաց լրագրողների հետ զրույցում նշեց ԱԺ «Հայաստան» խպմբակցության պատգամավոր Անդրանիկ Թեւանյանը:Նա մի շարք փաստեր նշեց. «Փաստ համար 1, 4 տոննայի չափ կոկաինի շրջանառություն կա ՀՀ-ում, որը ավելի քան մեկ մլրդ դոլարի գումար է: Սա չի կարող իշխանությունների հետ կապ չունենալ: Ըստ էության, ՀՀ իշխանությունը նարկոմաֆիայի է վերածվել եւ այդ ամենի հետ կապված մենք ողջամիտ կասկածներ ունենք: Ես չեմ կարծում, որ ՀՀ-ում կա մեկը, ով կարող էր մեկ մլրդ դոլարի շրջանառություն ապահովել եւ դա լիներ իշխանություններից դուրս: Իշխանությունների հետ կապ չունեցողը չէր կարող նման ռիսկային քայլի գնալ: Ընդ որում, մենք չգիտենք՝ սա միակ դեպքն է, թե էլի դեպքեր են եղել:
Այստեղ հարց կարող է առաջանալ՝ որտեղի՞ց Նիկոլ Փաշինյանին եւ իր շրջապատին մեկ մլրդ դոլարից ավելի գումար:
Մենք ողջամիտ կասկած ունենք, որ սա միակ դեպքը չէ եւ պարզաբանում ենք պահանջում»,-ասաց նա:
Թեւանյանը հիշեցրեց, որ քաղաքաշինության կոմիտեի նախկին ղեկավար Վահագն Վերմիջյանը ժամանակ առաջ հայտարարեց, որ ցեմենտի անվան տակ կոկաին է ներմուծվում, եւ դրանից հետո նա հայտնվեց անազատության մեջ. այսինքն սա առաջին դեպքը չէ:
«Հայտարարում էին, որ կոռուպցիա չկ, բայց հիմա փաստորեն մաքսային մարմիններից տեղեկացանք, որ մաքսանենգ ճանապարհով մեկ տոննայի չափ բանանի անվան տակ ներկրվել է թմրանյութ: Սա նշանակում է, որ Նիկոլ Փաշինյանի հայտարարությունը, թե համակարգային կոռուպցիան վերացել է, սուտ է:
Հաջորդը, սա ուղղված է մեր երիտասարդության դեմ, որին ուզում են թմրեցնել: Շատերը զոհվեցին պատերազմի ընթացքում, հիմա էլ սպիտակ փոշիով մահ են բերում:
Հաջորդը, կան ողջամիտ կասկածներ, որ այստեղ ունենք արտաքին ձեռքի ազդեցություն: Կարող ենք կռահել, թե որ երկրներն են շահագրգռված, որ Հայաստան մտնի մոտ 4 տոննա կոկաին: Այստեղից էլ բխում են մյուս հարցադրումները. Որտեղի՞ց այն անհայտ ծագման գումարները, որ տնտեսության մեջ կան, հիմնկանում շինարարության ոլորտ են մտնում: Իսկ մենք նարկոմաֆիայի պատմությունից գիտենք, որ իրենց գումարները հիմնականում լվացվելու, մաքրվելու համար հիմնականում մտնում են շինարարության մեջ: Այստեղից էլ պատասխանը, թե ինչու է դոլարը այսքան էժանանում Հայաստանում: Այստեղ ես նույնպես տեսնում եմ իշխանության ձեռքը»,-ընդգծեց Անդրանիկ Թեւանյանը:
