Ինչու էր Փաշինյանը Էրդողանի երդմնակալությանը նստած 2-րդ շարքում․ Ռուսական մամուլն էլ հեգնանքով գրել էր, թե...
Այսօր Ազգային ժողովում ՀՀ արտաքին գերատեսչության ղեկավար Արարատ Միրզոյանն անդրադարձավ քննարկվող այն թեմային, թե ինչու է ՀՀ վարչապետ Նիկոլ Փաշինյանը Թուրքիայի նախագահի երդմնակալության ժամանակ երկրորդ շարքում նստած եղել:Ըստ Միրզոյանի՝ դա արարողակարգային է. բոլոր վարչապետներն էին նստած երկրորդ շարքում:
Արտաքին գերատեսչության ղեկավարի կարծիքով՝ Հունգարիայի վարչապետ Օրբանը պակաս կարևոր մարդ չէ Թուրքիայի նախագահ Էրդողանի համար: «Բայց որևէ տարբերություն չկար թե՛ նստած տեղի, թե՛ հյուրերին թվարկելիս»,- ասաց նա:
Ռուսական մամուլը նաև հեգնանքով գրել էր, թե Հայաստանի վարչապետին երկրորդ շարքում են նստեցրել՝ ՆԱՏՕ-ի գլխավոր քարտուղարի կողքին։ Մինչդեռ երդմնակալության միջոցառման կադրերից պարզ երևում էր, որ արարողակարգի համաձայն՝ առաջին շարքում նստել էին երկրների նախագահները, իսկ հրավիրված բոլոր վարչապետերը երկրորդ շարքում էին, այդ թվում՝ Վրաստանի և Հունգարիայի վարչապետը։
Թուրքիայի նախագահ Ռեջեփ Թայիփ Էրդողանը, հիշեցնենք նաև, շաբաթ օրը չդիմեց Հայաստանի վարչապետ Նիկոլ Փաշինյանին, երբ թվարկում էր երդմնակալության արարողությանը մասնակցող այլ պետությունների և կառավարությունների ղեկավարների ցուցակը։
