Այո՝ Լոնդոնում կյանքը եռում է, իսկ որոշների մոտ լեղին.Հատուկ` նախանձ և չտես մարդկանց համար
Իմ ընտանիքի անդամները պետության և հարկատուների հաշվին ոչ ինքնաթիռի և ոչ էլ մետրոյի տոմս չեն գնել ու չեն գնում։Ֆեյսբուքյան էջում գրել է ԱԺ նախագահ Ալեն Սիմոնյանը, արձագանքելով մամուլի հրապարակումներին․
«Այո՝ Լոնդոնում կյանքը եռում է, իսկ որոշների մոտ լեղին:
Հատուկ այն բոլոր անգործ, նախանձ և չտես մարդկանց համար, ովքեր որոշել են քննարկել, թե ինչպես եմ ես քայլել Լոնդոնում և ինչպես նկարվել ընտանիքիս անդամների հետ և մետրո նստել:
Անհոգ եղեք, ես ու իմ ընտանիքը ցավոք մինչև 2018 թվականը շատ ավելի հաճախ էինք շրջագայում աշխարհով մեկ, քան հիմա, իսկ ինչ վերաբերվում է պետության հաշվին դա անելուն, ապա ասեմ, որ այդտեղ նույնպես սեփական չափանիշով շարժվելը տեղին չէ: Իմ ընտանիքի անդամները պետության և հարկատուների հաշվին ոչ ինքնաթիռի և ոչ էլ մետրոյի տոմս չեն գնել ու չեն գնում»,-գրել է Սիմոնյանը:
