Սթոլտենբերգը նախազգուշացրել է.Եթե Պուտինը հաղթի... աշխարհը կդառնա ավելի վտանգավոր, դա կոգեշնչի Չինաստանին
ԱՄՆ նախագահ Ջո Բայդենն ընդունել է ՆԱՏՕ գլխավոր քարտուղար Յենս Սթոլտենբերգին, որը նախազգուշացրել է, որ աշխարհն ավելի վտանգավոր կդառնա, եթե թույլ տա Ռուսաստանին հաղթել Ուկրաինայում, ինչը կոգեշնչի Չինաստանին, տեղեկացրել է Սպիտակ տունը։«Եթե նախագահ Պուտինը հաղթի... աշխարհը կդառնա ավելի վտանգավոր, որովհետեւ դա կոգեշնչի այլ երկրների, ներառյալ Չինաստանին»,- Սթոլտենբերգին ցիտել են լրագրողները։
«Որքան ավելի շատ հողեր կարողանան ազատագրել ուկրաինացիները, այնքան ավելի ուժեղ կլինեն նրանց դիրքերը բանակցային սեղանի շուրջ»,- ասել է նա։
Սթոլտենբերգի այցը Վաշինգտոն տեղի է ունեցել Լիտվայի մայրաքաղաք Վիլնյուսում ՆԱՏՕ գագաթաժողովի նախապատրաստման շրջանակում։
