1միլիոնից ավելի մարդ անմիջապես կմահանա. Հիրոսիմայում և Նագասակիում օգտագործվածից 3անգամ ավելի հզոր հրթիռներ ենք ստացել ՌԴ-ից
Բելառուսի առաջնորդ Ալեքսանդր Լուկաշենկոն հայտարարել է, որ իր երկիրը Ռուսաստանից ստացել է հրթիռներ և ռումբեր, որոնք երեք անգամ ավելի հզոր են, քան Հիրոսիմայում և Նագասակիում օգտագործվածները։Նրա խոսքով, Բելառուսը միշտ եղել է թշնամու թիրախում։
«Մեզ ուզում էին կտոր-կտոր անել 2020 թվականից։ Ոչ ոք դեռ չի կռվել միջուկային զենք ունեցող երկրի դեմ։ Ռուսաստանից հրթիռներ ու ռումբեր ենք ստացել։ Ռումբը երեք անգամ ավելի հզոր է, քան Հիրոսիմայինը և Նագասակինը: Մեկ ռումբը երեք անգամ ավելի հզոր է։ Սա, ես չգիտեմ, մոտ մեկ միլիոնից մարդ անմիջապես կմահանա: Աստված չանի այս զենքը օգտագործվի»,- ասել է Լուկաշենկոն «Ռոսիա 1» հեռուստաալիքի եթերում։
Նախօրեին նա ասել էր, որ իր երկրի դեմ ագրեսիայի դեպքում միջուկային զենքի կիրառման հարցում ոչ մի երկմտանք չի լինի։
Հիշեցնենք, որ Ռուսաստանի նախագահ Վլադիմիր Պուտինը հայտարարել է, որ Բելառուսում ռուսական միջուկային զենքի տեղակայումը կսկսվի հուլիսի 7-8-ին՝ իր համար օբյեկտների պատրաստման աշխատանքների ավարտից անմիջապես հետո։
